Sarie Marais

Die graf van Sara Johanna Adriana Nel (nèè Maré). Hy was moontlik die inspirasie vir die liedjie.

Toonsetting van Sarie Marais, uit die F.A.K-Volksangbundel vir Suid-Afrika.

My Sarie Marais is 'n bekende lied deur J.P. Toerien, geskep tydens die Eerste Vryheidsoorlog (ca. 1880) of die Tweede Vryheidsoorlog (ca. 1900) Die deuntjie is geneem van 'n Engelse liedjie genaamd "Ellie Rhee" wat uit die Amerikaanse Burgeroorlog dateer. Dit is 'n baie bekende Afrikaanse volksliedjie en is al in ander tale vertaal. Dit verwys waarskynlik na 'n persoon wat werklik geleef het, Sarie Maré, maar weens 'n drukfout is die spelling Sarie Marais behou.

Lirieke

My Sarie Marais is so ver van my hart, Maar'k hoop om haar weer te sien. Sy het in die wyk van die Mooirivier gewoon, Nog voor die oorlog het begin. Refrein O bring my t'rug na die ou Transvaal, Daar waar my Sarie woon, Daar onder in die mielies by die groen doringboom, Daar woon my Sarie Marais, Daar onder in die mielies by die groen doringboom, Daar woon my Sarie Marais. Ek was so bang Dat die kakies my sou vang, En vêr oor die see wegstuur; Toe vlug ek na die kant Van die Upington se sand Daar onder langs die Grootrivier. Verlossing het gekom En die huis-toe gaan was daar, Terug na die ou Transvaal; My lieflingspersoon sal seker ook daar wees Om my met 'n kus te beloon.

Sarie vrouetydskrif

Die Afrikaanse vroutydskrif, Sarie, se naam is van die liedjie geneem. Die tydskrif het oorspronklik Sarie Marais geheet, 'n naam wat tydens die eerste uitgawe (1949) sinoniem was met die idee van maghebbende Afrikaanse vroulikheid. Dit was ook die eerste Afrikaanse tydskrif wat op die vrouemark gefokus het, met inhoud wat strek van mode, dekor en skoonheid tot verhoudingsadvies en familie voorligting.

Eksterne skakels

• Werf met geskiedenis van die liedjie
• Forum met foto's van Sarie Maré se graf
• Opsomming van die 1931 film Sarie Marais
• mp3 Oudio – Sarie Marais, soos gespeel deur die orkes van HM Royal Marines Commando Training Centre