Sias Hoffman

in Wikipedia, die vrye ensiklopedie
Spring na: navigasie, soek
Josias Philip Hoffman
Sias Hoffman

Ampstermyn
15 Junie 1854 – 10 Februarie 1855
Voorafgegaan deur Nuwe amp
Opgevolg deur J.N. Boshoff

Voorsitter van die Voorlopige Regering van die Oranje-Vrystaat
Ampstermyn
23 Februarie 1854 – 29 Maart 1855
Voorafgegaan deur Nuwe amp
Opgevolg deur Amp afgeskaf

Voorsitter van die Volksraad van die Oranje-Vrystaat
Ampstermyn
29 Maart 1854 – Vroeg April 1854
Voorafgegaan deur Nuwe amp
Opgevolg deur Amp afgeskaf

Waarnemende president van die Oranje-Vrystaat
Ampstermyn
18 April 1854 – 15 Junie 1854
Voorafgegaan deur J. Groenendaal

Persoonlike besonderhede
Geboorte 1807
Sterfte 1879
Religie Nederduits Gereformeerd

Josias Philip Hoffman (algemeen bekend as J.P. Hoffman of Sias Hoffman) (18071879) was 'n Suid-Afrikaanse politikus en staatsman en voorsitter van die Voorlopige Regering en later, tussen 1854 en 1855, die eerste president van die Oranje-Vrystaat.

Loopbaan[wysig]

Hoffman was een van die verteenwoordigers van die Smithfield-distrik in die Oranjerivier-soewereiniteit gedurende die onderhandelinge tussen die Boere en die Britte oor die onafhanklikheid van die gebied. Hy het opgetree as voorsitter van die afvaardiging van die Boere in die onderhandelinge en het die Bloemfontein-konvensie in daardie hoedanigheid onderteken.

Hy is vir die eerste keer aangewys as die voorsitter van die Voorlopige Regering (23 Februarie – 29 Maart 1854) en na 'n kort onderbreking as voorsitter van die Volksraad. Hy is op 18 April 1854 verkies tot die waarnemende president van die Oranje-Vrystaat. Hy was tot 15 Junie 1854 die waarnemende president. Hy is daarna uiteindelik as volwaardige president van die Oranje-Vrystaat aangestel.[1][2]

Beide Hoffman en sy staatsekretaris, Jacobus Groenendaal, was kreupel. Die regering van Hoffman het dus in die volksmond die bynaam "die kreupel regering" gehad.[3]

Hoffman se termyn as president was kortstondig (effens minder as 'n jaar) en het met 'n politieke insident geëindig. As 'n gebaar van goeie trou het Hoffman 'n vaatjie buskruit aan die Basoeto-koning, Mosjesj, gegee. Die burgers van die Oranje-Vrystaat het dit nie goedgekeur nie en dit as onwys, oorvriendelik en 'n moontlike gevaar vir die oorlewing van die nuwe staat beskou. Verhoudinge tussen die Boere en die Basoeto's was in daardie stadium effe vyandig. Wat nog 'n groter oortreding was (volgens die burgers), was dat Hoffman die insident vir die Volksraad (die parlement van die Oranje-Vrystaat) probeer versteek het. Hoffman is gedwing om af te tree en het dit op 10 Februarie 1854 gedoen. Hy is opgevolg deur 'n (tydelike) presidensiële uitvoerende komitee onder voorsitterskap van J.J. Venter.[4]

Notas[wysig]

  1. Hendrik Pieter Nicolaas Muller. Oude tyden in den Oranje-Vrystaat., 45, 306–309. 
  2. Worldstatesmen.org.
  3. Collins, R.D. (1906). “Herinneringen”. South African News (Christmas Issue): 26. aangehaal in Hendrik Pieter Nicolaas Muller. Oude tyden in den Oranje-Vrystaat., 45, 306–309.. 
  4. Hendrik Pieter Nicolaas Muller. Oude tyden in den Oranje-Vrystaat., 53–54.. 

Verwysings[wysig]

  • Hendrik Pieter Nicolaas Muller (1907). Oude tyden in den Oranje-Vrystaat. Naar Mr. H.A.L. Hamelberg's nagelaten papieren beschreven. Leiden: E.J. Brill, 383p..