Slag van Spioenkop

in Wikipedia, die vrye ensiklopedie
Spring na: navigasie, soek
Slag van Spioenkop
Deel van Tweede Vryheidsoorlog
Boers at Spion Kop, 1900 - Project Gutenberg eText 16462.jpg
Die Boeremagte by Spioenkop
Datum 23 en 24 Januarie 1900
Ligging Spioenkop
Resultaat Boerse oorwinning
Strydende partye
Flag of the United Kingdom.svg Verenigde Koninkryk Flag of Transvaal.svg Zuid-Afrikaansche Republiek
Bevelvoerders
Sir Redvers Buller
Charles Warren
Edward Woodgate
Neville Lyttelton
Alexander Thorneycroft
Louis Botha
Schalk Willem Burger
Hendrik Prinsloo
Sterkte
30 000 8 000
Ongevalle
383 335
Gesneuwelde Britse soldate wat in loopgrawe lê
Die foto van 'n gesneuwelde Burger het bloot die byskrif "'n Boere skerpskutter" in 'n Engelse koerant gedra
Hierdie Britse grafte op Spioenkop gee 'n goeie aanduiding van die ligging van die loopgrawe ten tye van die geveg.

Die slag van Spioenkop is sowat 38 km wes-suid-wes van Ladysmith op Spioenkop langs die Tugelarivier, Natal in Suid-Afrika geveg. Dit was tussen die Boere en Britse magte op 23 en 24 Januarie 1900 as deel van die Tweede Vryheidsoorlog, en het gelei tot 'n bekende Britse nederlaag gedurende die Oorlog. Die Britse naam vir die koppie is verkeerdelik opgeneem as "Spion Kop", wat steeds in die literatuur in die Statebond voortleef, alhoewel die aanvaarde en amptelike spelling in Suid-Afrika "Spioenkop" is.

Sir Redvers Buller, bevelvoerder van die Britse magte in Natal, is op daardie stadium oorskadu deur Kommandant-Generaal Louis Botha, en die lot van Ladysmith is nog nie bepaal nie. Buller het opdrag van sy hoofmag aan Generaal Sir Charles Warren gegee, wat besluit het om die Boere langs twee fronte aan te val. Warren het 'n mag onder Brigadier-Generaal Woodgate gestuur om Spioenkop, 'n rotsagtige koppie, op die nag van 23 Januarie te beset, wat gelyk het soos die sleutel tot die Boere se regter-senterflank. Hulle het die koppie feitlik onbeskermd gevind, maar het nie hulleself behoorlik ingeburger nie, 'n feit wat nog meer bemoeilik is nadat hulle nie genoegsame artillerie teen die steil heuwel kon uitsleep nie.

Deurdat hulle van alle kante af ontbloot was vir die Boere se skerpskutters en artillerievuur het hulle swaar verliese gedurende die dag se geveg gelei, met meer as 300 gesneuweldes (insluitend Woodgate) en 1653 gewond, voordat hulle die aand teruggeval het. Die Boeremagte het 50 gesneuweldes en 120 gewondes gehad.

Die pawiljoen Kop Stand by Anfield Stadium — die tuiste van die Engelse sokkerspan Liverpool FC — is vernoem in eerbied van die slag.

Sien ook[wysig]

Eksterne skakels[wysig]

Verwysings[wysig]

  • Nuwe Geskiedenis van Suid-Afrika in woord en beeld, Cameron & Spies, Human & Rousseau uitgewers, 1986 (ISBN 0798119772).
  • Slegtkamp van Spioenkop. Oorlogsherinneringe van Kapt. Slegtkamp. Saamgestel uit sy dagboek deur Dirk Mostert. Kaapstad, Nasionale Pers, 1935.


Koördinate: 28°38′60″S 29°30′59″O  (Slag van Spionkop)