Strelna

in Wikipedia, die vrye ensiklopedie
Spring na: navigasie, soek
Die Konstantyn-paleis tydens die viering van Sint Petersburg se 300-jarige bestaanjaar.

Strelna (Russies: Стрeльна) is ’n historiese nedersetting aan die Golf van Finland, sowat halfpad tussen Sint Petersburg en Peterhof in Rusland. Dit het ’n bevolking van 12 751 (2002-sensus).

Pieter die Grote tot die Rewolusie[wysig]

’n Onthaal in die Konstantyn-paleis (’n 19de-eeuse skildery).

Dit was aanvanklik die landgoed van ’n Sweedse kanselier. In 1714 het Pieter die Grote die argitek Jean Baptiste Le Blond aangestel om ’n somerwoning daar te bou. Le Blond wou die paleis op ’n ronde eiland bou, maar hy is dood nadat slegs die tuine uitgelê was. In 1718 is ’n tydelike houtpaleis daar gebou wat tydens jagtogte gebruik is.

Die argitek Nicholo Michetti het die projek oorgeneem en ’n hoeksteen is in 1720 gelê, maar daar is toe ontdek dat dit onmoontlik was om fonteine daar aan te lê. Pieter het toe sy aandag toegespits op die nabygeleë Peterhof en alle werk aan die Strelna-paleis is gestaak.

Toe Pieter se dogter, Elisabeth, die troon in 1741 bestyg, het sy besluit om haar pa se projek te voltooi. Die argitek Bartolomeo Rastrelli is aangestel om Michetti se ontwerp aan te pas. Rastrelli se tyd is egter in beslag geneem deur die bou van ander paleise en die Strelna-paleis het onvoltooi gebly tot aan die einde van die eeu.

In 1797 is Strelna gegee aan groothertog Konstantyn Pawlewitsj, die tweede oudste seun van keiser Paul. Hy het die paleis teen 1807 laat voltooi. Dit het in sy familie se besit gebly tot met die Russiese Rewolusie. Die paleis is daarna verwaarloos en in die Tweede Wêreldoorlog byna heeltemal verwoes. Nog net die mure het ná die oorlog gestaan.

Die 21ste eeu[wysig]

Eers in 2001 het Wladimir Poetin gelas dat die paleis volgens Le Blond se oorspronklike planne herbou word as ’n presidensiële woning in Sint Petersburg.

Ter voorbereiding van die viering van die 300-jarige bestaan van Sint Petersburg in 2003 het die Russiese regering die paleis en die terrein laat restoureer as ’n konferensiesentrum en presidensiële woning. Die gerestoureerde Konstantyn-paleis het meer as vyftig staatshoofde gehuisves. Drie jaar later, in Julie 2006, is die 32ste G8-beraad daar gehou. Tydens die beraad het die wêreldleiers in 18 luukse-huisies teen die see gebly. Elk van die huisies is genoem na ’n historiese Russiese dorp. Die vroeë 19de-eeuse stalle is omskep in ’n vierster-hotel vir ander besoekers.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]

Eksterne skakels[wysig]

Commons-logo.svg
Wikimedia Commons het meer media verwant aan:
Strelna (kategorie)
Keiserlike paleise en wonings in Rusland
Standard of the Russian Tsar

Aleksander-paleisAnitsjkof-paleisBeloselski-Belozerski-paleisKatharina-paleisKatharinahofGatsjina-paleisMoskouse KremlinMarmerpaleisMariinski-paleisNikolaas-paleisOranienbaumPaleis van Groothertog Aleksei AleksandrowitsjPawlofsk-paleisPeterhofSint Michail-kasteelStrelnaSomerpaleisTauris-paleisTsarskoje SeloWladimir-paleisWinterpaleisJelagin-paleis