Suid-Afrikaanse Vloot

in Wikipedia, die vrye ensiklopedie
Spring na: navigasie, soek

Die Suid-Afrikaanse Vloot is die vlootkomponent van die Suid-Afrikaanse Nasionale Weermag en van sy voorganger die Suid-Afrikaanse Weermag.

Geskiedenis van die Suid-Afrikaanse Vloot[wysig]

Die eerste stap in Suid-Afrika tot die skepping van 'n vloot het begin in 1885 toe die Natal Naval Volunteers in Durban gestig is deur die Natalse Koloniale Regering. In 1905 is die Royal Naval Volunteer Reserve in Kaapstad gestig. Gedurende 1913 het die twee saamgesmelt in 'n Suid-Afrikaanse gedeelte van die Britse Vloot. Dit het diens gedoen tydens die Eerste Wêreldoorlog.

In 1922 het die Suid-Afrikaanse Vloot tot stand gekom. Sy oorspronklike skepe was die HMS Protea, Immortelle en Sonneblom, geskenk deur die Britse Admiraliteit. Later is die opleidingsvaartuig die Generaal Botha gekoop om meer geriewe daar te stel.

Weens ekonomiese redes is die Suid-Afrikaanse Vloot in 1934 tot niet gemaak. Eers in 1939 is die Suid-Afrikaanse Seeweermag onder die bedreiging van die Tweede Wêreldoorlog gestig. In 1942 smelt dit saam met die Royal Naval Volunteer Reserve en staan bekend as die Suid-Afrikaanse Vlootdiens. Die Seeweermag was ook hier ingesluit. Hulle het diens gedoen in die Middellandse See tydens die Tweede Wêreldoorlog.

Na afloop van die Tweede Wêreldoorlog het die Suid-Afrikaanse Vlootdiens die Suid-Afrikaanse Vloot geword. Simonstad is in 1957 oorgeneem deur die Unie van Suid-Afrika en korvette en fregatte is aangekoop.

Duikbote[wysig]

Die Suid-Afrikaanse Vloot het gedurende die vroeë sewentiger jare hulle eerste drie Daphne klas duikbote van Frankryk gekoop met diesel/elektriese aandrywing. Die duikbote was:

  • SAS Johanna van der Merwe (herdoop SAS Assegaai)
  • SAS Emily Hobhouse (herdoop SAS Umkhonto)
  • SAS Maria van Riebeeck (herdoop SAS Spear)

Al drie duikbote is uit diens gestel.

Die volgende duikbote is later aangekoop:

  • SAS Manthatisi - 2007
  • SAS Charlotte Maxeke - 2007
  • SAS Queen Modjadji - 2008[1]

SAS = Suid-Afrikaanse Skip.

Die Vloot was geskok toe die spioen, Dieter Gerhardt, verbonde aan die vloot, in 1983 ontmasker word deur die FBI.

Vlootvaandel[wysig]

Sien ook[wysig]

Bron[wysig]

Verwysings[wysig]

  1. Die Suid-Afrikaanse Gids- feite en wenke. Isabel Uys. 2009 ISBN 978-1-86919-324-9