Tweerivier-rooivlerkie
| Tweerivier-rooivlerkie | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bewaringstatus | ||||||||||||||||||||||||||||
| Wetenskaplike klassifikasie | ||||||||||||||||||||||||||||
|
||||||||||||||||||||||||||||
| Binomiale naam | ||||||||||||||||||||||||||||
| Barbus erubescens P.H. Skelton, 1974 |
Die Tweerivier-rooivlerkie (Barbus erubescens) is 'n varswater vis wat endemies is aan die Tweerivier, 'n sytak van die Olifantsrivier in die Wes-Kaap. In Engels staan die vis bekend as die Twee river redfin.
Inhoud |
Voorkoms [wysig]
Die vis is olyfbruin aan die bokant en silwer-wit aan die onderkant met 'n donkerder horisontale streep oor die middel van die lyf. Daar is twee pare baarde om die mond en beide geslagte kry tuberkels op die kop en rug tydens broeityd. Die vis word tot 95 mm lank.
Habitat [wysig]
Die vis leef in skole in poele en in dieper, vinnig vloeiende dele van riviere. Die onvolwasse visse leef soms met die Kaapse galaxias (Galaxias zebratus) saam. Hulle vreet water en ander insekte vanaf die oppervlakte. Die vis broei in die somer waar die mannetjies op die bodems van vloeiende water versamel.
Bewaring [wysig]
Die spesie word kritiek bedreig deur waterbesoedeling en wateronttrekking en tesame met die verdringing deur uitheemse spesies is die voortbestaan van die vis onseker.
Sien ook [wysig]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron [wysig]
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
