Winkelsentrum

in Wikipedia, die vrye ensiklopedie
The Mall in Bristol, Verenigde Koninkryk
MBK Center, 'n winkelsentrum in Bangkok, Thailand
Torri Bianche in Vimercate, Italië
Die Utrechtse winkelsentrum, Kanaleneiland

'n Winkelsentrum of winkelkompleks is 'n gebou of 'n reeks geboue waarin verskeie winkels gekonsentreer is. Mense besoek winkelsentrums om aankope te doen, of net uit nuuskierigheid rond te drentel. Omdat so 'n winkelsentrum 'n verskeidenheid van winkels bevat, is dit gerieflik vir klante omdat hulle meestal alles wat hulle benodig op 'n enkele plek kan aanskaf.

Winkelsentrums kan uit slegs 'n paar klein winkeltjies bestaan, of massief groot wees. Winkels word deur gange met mekaar verbind sodat besoekers maklik van een winkel na 'n volgende kan beweeg. Vertoonvensters stal produkte uit om klante in te lok. Winkelsentrums beskik ook meestal oor 'n parkeerruimte vir die besoekers se motors.

Om klante te lok, adverteer baie winkelsentrums namens die winkels wat dit bevat. Om klante langer te laat vertoef, word daar soms rustige musiek gespeel, uitstallings gehou en ander vermaak gereël. Baie winkelsentrums beskik ook oor eetplekke en selfs rolprentteaters. Tydens die feesgety word winkelsentrums dikwels met skouspelagtige versierings opgemaak.

Geskiedenis[wysig | wysig bron]

Winkels word al eeue lank in geboue gehuisves en is dus nie 'n onlangse verskynsel nie. Die Groot Basaar van Esfahan, wat grotendeels onderdak is, dateer uit die 10de eeu.

Burlington Arcade in Londen is in 1819 geopen. Die konsep word in 1828 na die VSA ingevoer. Italië volg in die jare 1860's en in die laat 19de en vroeë 20ste eeu word winkelsentrums in die meeste stede gebou.

Winkelsentrums in Suid-Afrika[wysig | wysig bron]

Winkelsentrums kom reg oor Suid-Afrika en sy buurlande voor. Paar groot winkelsentrums in Suid-Afrika ter illustrasie:

Pretoria:

  • Menlyn Park
  • Brooklyn Mall
  • Centurion Mall
  • China Mall
  • Kolonnade winkelsentrum
  • Silver Lakes

Johannesburg:

  • Carltonsentrum
  • Cresta
  • Oriental Plaza
  • Mall of Africa (Midrand)
  • Eastgate
  • Southgate
  • Westgate

Kaapstad:

Durban:

  • Gateway Theatre of Shopping

Bloemfontein:

  • Loch Logan Waterfront
  • Mimosa Mall

Oos-Londen:

  • Beacon Bay winkelsentrum
  • Vincent Park winkelsentrum
  • Mdantsane City

Sien ook[wysig | wysig bron]

Eksterne skakels[wysig | wysig bron]