Wrocław

in Wikipedia, die vrye ensiklopedie
Spring na: navigasie, soek

Wrocław
Breslau
Wrocław, widok na rynek z Mostku Czarownic.jpg

Kaart Wapen
Wroclaw Mapa.png
Herb wroclaw.svg
Vlag
Wroclaw horizontal flag.svg
 Land Vlag van Pole Pole
 Woiwodskap POL województwo dolnośląskie flag.svg Neder-Silesië
 Koördinate 51°7′N 17°2′O
 Stigting (eerste verwysing) Omstreeks 900
 Stadstatus 1261
 Oppervlakte:  
 - Totaal 293 vk km
 Hoogte bo seevlak 111 m
 Bevolking:  
 - Totaal (30 Junie 2014) 633 105[1]
 - Bevolkingsdigtheid 2 159,7/vk km
 - Metropolitaanse gebied 1 038 000
 Tydsone MET (UTC +1)
 - Somertyd MEST (UTC +2)
 Klimaat  
 - Tipe Kontinentaal-gematig
 - Gemiddelde jaarlikse temperatuur 8,3 °C[2]
 - Gem. temp. Januarie/Julie -1,8 / 17,6 °C
 - Gemiddelde jaarlikse neerslae 591 mm
 Burgemeester Rafał Dutkiewicz
 Amptelike Webwerf www.wroclaw.pl/
Raadhuis van Wroclaw - 1900
Breslau - XVII

Wrocław ([ˈvrɔtswaf] , Duits: Breslau, Silesiese Duits: Brassel), is die vierde grootste stad van Pole met 'n bevolking van meer as 630 000, die administratiewe hoofstad van die woiwodskap Neder-Silesië en van die gelyknamige landelike distrik. Wrocŀaw fungeer as setel van 'n Rooms-Katolieke aartsbiskop, 'n Evangelies-Lutherse diosesaanbiskop, en met talle akademiese instellings en navorsingsinstitute asook teaters en museums, as die kulturele en wetenskaplike sentrum van Silesië.

Die stad is aan die Oder-rivier en in die sentrum van 'n belangrike landbou- en mynbougebied geleë. Sy belangrikste nywerhede sluit masjienbou en metaalverwerking in.

Wrocław/Breslau word as hoofstad van die gewes Silesië beskou en was tussen 1919 en 1945 ook die hoofstad van die nuutgestigte Pruisiese provinsie Neder-Silesië. Voor hierdie periode was Breslau die hoofstad van die provinsie Silesië en het – in die tydperk van die Nasionaalsosialisme – as administratiewe sentrum van die Reichsgau Neder- en Sentraal-Silesië gedien.

In 1945 het Breslau onder Poolse administrasie gekom en die oorspronklike Duitse bevolking is verdryf. Poolse setlaars en burgers wat deur die Sowjet-owerheid uit Lemberg en ander gebiede van die vroeëre Oos-Pole verdryf is, het hier 'n nuwe tuiste gevind. Wrocław het later hoofstad van die gelyknamige woiwodskap en in 1999 hoofstad van die woiwodskap Neder-Silesië geword.

Breslau se inwonertal het omstreeks 1840 die 100 000-kerf verbygesteek, en dit was in die 19de eeu 'n tyd lank die grootste stad van Duitsland ná Berlyn en Hamburg.

Verwysings[wysig]

  1. GUS, dane na dzień 30.06.2014[1]
  2. www.klimadiagramme.de: Breslau