Zack du Plessis
| Zack du Plessis | |
| Geboorte | +- 1949 |
|---|---|
| Nasionaliteit(e) | Suid-Afrikaans |
| Sterfte | 15 Junie 2011 Pretoria |
| Beroep(e) | Akteur |
| Internet-rolprentdatabasis-profiel | |
Zack du Plessis ( * ~1949 - † 15 Junie 2011) was 'n bekende Afrikaanse akteur, aanbieder, grapmaker, storieverteller en rolprentvervaardiger. Hy was veral bekend vir sy rolle in gewilde TV-programme soos Vetkoekpaleis en Orkney Snork Nie.[1]
Inhoud |
Biografie [wysig]
Du Plessis het ’n dramagraad aan die Universiteit van Pretoria verwerf en by die destydse streekskunsteraad Truk gewerk. Met die koms van televisie in 1976 het hy homself hoofsaaklik op TV-werk toegespits. Hy het ook sy eie fliekmaatskappy gehad, wat onder meer die fliek Bosveldhotel (Die Moewie) en kinderprogramme vervaardig het.
Du Plessis was met die aktrise en TV-aanbieder, Magda van Biljon getroud.
Hy is op 15 Junie 2011 by sy huis in sy slaap aan longkanker oorlede. Hy word oorleef deur sy vrou, seun (Wénèf) en dogter (Bernice du Toiten).[2][3]
TV-programme [wysig]
Van die TV-programme waarin hy verskyn het:
- Vetkoekpaleis as Frikadel of Oom Vetkoek (1996)
- Orkney Snork Nie as Hendrik van Tonder (1989)
- Koöperasiestories as Soon Pieterse (1983)
- Maak 'n Las (as gaskunstenaar en aanbieder)
En andere.
Rolprente [wysig]
Van die rolprente waarin hy te siene was:
- Mr Bones, 2001 (as die boer)
- Orkney Snork Nie 2, 2003
- Orkney Snork Nie (Die Moewie), 2002
- Kaalgat tussen die Daisies, 1997
- Lipstiek Dipstiek, 1994 (as Frikkadel Fourie)
- Bosveldhotel, die moevie, 1985
- The Fifth Season, 1979
- Pretoria O Pretoria!, 1979
- Kiepie en Kandas (as die kwaai dosent op Tuks)
Verwysings [wysig]
- ↑ Zack du Plessis sterf, Nuus24, 16 Junie 2011.
- ↑ ‘Saggeaarde akteur’ Zack du Plessis sterf tuis by gesin, Die Burger, 17 Junie 2011.
- ↑ ‘Gatslag, maar ek sal wen’, Rapport, 18 Junie 2011.
