Die klub is in 1903 as VfB 03 Cleve gestig. Aangesien die meeste van die stigterslede werknemers van die plaaslike organisasie Van-den-Berghschen Margarinewerke was, het die klub die bynaam "de Botter" verkry. Die heel eerste internasionale wedstryd waaraan Duitsland op tuisbodem deelgeneem het op 16 Oktober1910 het op die klub se tuisveld, Sportplatz an der Triftstraße, plaasgevind voor tussen 5 000 en 10 000 toeskouers ('n 1-2 nederlaag teen Nederland).
In 1920 het VfB 03 Cleve met Turnklub Merkur Kleve en Clever Schwimm-Sportclub saamgesmelt as die Vereine für Turn- und Bewegungsspiele Cleve. In 1921 is die klub herdoop na VfB 03 Cleve. Na die Tweede Wêreldoorlog is die klub in 1946 herstig as VfB Lohengrin 03 Kleve na 'n samesmelting met SuL Kleve (self 'n fusie uit 1936 tussen VfB Lohengrin 1921 Kleve en FC Sparta 1921 Kleve).
Die gimnastiekklub TV Cleve 1863 het in 1919 'n sokkerafdeling gekry toe dit met Verein für Jugend und Volksspiele Cleve saamgesmelt het. In 1924 het SC Kleve 63(Sportclub Kleve 1863 e.V.) uit die sokkerafdeling ontstaan.
Die genoemde Verein für Jugend und Volksspiele Cleve was self 'n samesmelting uit 1917 tussen FC 1906 Cleve en Spielverein 1909 Cleve (die klub het aanvanklik na die samesmelting bekendgestaan as FC Hohenzollern Cleve).