10de Dinastie van Egipte

in Wikipedia, die vrye ensiklopedie

Die 10de Dinastie van Antieke Egipte (ook Dinastie X geskryf) het geheers tydens ’n verwarrende periode bekend as die Eerste Oorgangstydperk. Dié tydperk het van die 7de tot die einde van die 10de Dinastie (of die 11de Dinastie in Thebe) geduur.

Die 9de en die 10de Dinastie het van omstreeks 2160 tot 2025 v.C. geduur.[1]

Heersers[wysig | wysig bron]

Die 9de Dinastie is gestig in Herakleopolis Magna en die 10de Dinastie is daar voortgesit. Egipte was nie in dié tyd verenig nie en daar is ’n oorvleueling tussen dié en ander plaaslike dinastieë. Die Turynse Koningslys noem 18 name van konings, maar hul name is beskadig, onidentifiseerbaar of verlore.[2]

Die volgende lys bevat die moontlike heersers van die 10de Dinastie, gebaseer op die Turynse Koningslys. Van hulle kon net Wahkare Chety and Merykare sonder twyfel bevestig word deur argeologiese vondste.

Farao Notas
Meryhathor(?)
Neferkare IV Kan die Kaneferre wees wat deur die nomarg Anchtifi genoem word.
Wahkare Chety I Moontlik die skrywer van die Leeringe vir Koning Merykare.
Merykare
[naam verlore]

Verwysings[wysig | wysig bron]

  1. Shaw, Ian, red. (2000). The Oxford History of Ancient Egypt. Oxford University Press. p. 480. ISBN 0-19-815034-2.
  2. Alan Gardiner, Egypt of the Pharaohs, Oxford University Press, 1961, pp. 112-13.


Voorafgegaan deur
9de Dinastie
10de Dinastie Opgevolg deur
11de Dinastie