1ste Dinastie van Egipte

in Wikipedia, die vrye ensiklopedie
Spring na: navigasie, soek
Tydperke van
Antieke Egipte
All Gizah Pyramids.jpg

Vroeë Tydperk
Ou Ryk
Eerste Oorgang
Middelryk
Tweede Oorgang
Nuwe Ryk
Derde Oorgang
Laat Tydperk
Ptolemeïese Tydperk

Die 1ste Dinastie (ook Dinastie I geskryf) was die eerste dinastie van Antieke Egipte ná die vereniging van Bo- en Benede-Egipte. Dit het geduur van omstreeks 3100 tot 2890 v.C. en was die begin van die Egiptiese historiese tyd. Dié dinastie word saam met die 2de Dinastie beskou as die sogenaamde Vroegdinastiese Tydperk, met die mag in Thinis.

Heersers[wysig | wysig bron]

Die bekendste heersers van die 1ste Dinastie was:

Pschent2.png Naam Egypte icon lieu.png Notas Renpout.png Bewind
Narmer Moontlik Menes op vroeëre lyste Omstreeks 3130–3050 v.C.
Hor-Aha Omstreeks 3080 v.C.
Djer Omstreeks 3073–3036 v.C. 41 jaar.
Djet 3008–2975 v.C.?
Merneith Die ma van Den 3008/2946–2916 v.C.
Den 2975–2935 of 2928–2911 v.C. 19 tot 50 jaar.
Anedjib 2916–2896 v.C. 20 jaar.
Semerchet 2912–2891 v.C.? 20 jaar.
Qa'a 2906–2886 v.C.? 30 jaar.

Inligting oor die dinastie kom van ’n paar monumente en ander voorwerpe met koninklike name, sowel as die Den- en Qa'a-koningslyste.[1]

Groot grafkelders van farao's by Abydos en Naqada, asook begraafplase by Saqqara en Helwan naby Memphis, wys strukture is hoofsaaklik van hout en modderstene gebou, met minimale gebruik van stene vir mure en vloere. Klip is gebruik vir ornamente en standbeelde. Tamariskhout is gebruik vir die maak van bote.

Menslike offerandes[wysig | wysig bron]

Dat mense geoffer is as deel van begrafnisrituele, blyk uit die feit dat mense (en diere) doodgemaak en naby die farao begrawe is. Daar is 338 individue saam met Djer begrawe.[2] Die mense en diere moes die farao in die hiernamaals bystaan. Om die een of ander rede is die praktyk aan die einde van die dinastie beëindig.

Verwysings[wysig | wysig bron]

  1. "Qa'a and Merneith lists", Xoomer, IT: Virgilio, http://xoomer.virgilio.it/francescoraf/hesyra/Egyptgallery03.html .
  2. Shaw, Ian (2000), The Oxford History of Ancient Egypt, Oxford: Oxford University Press, bl. 68. ISBN 0-19-280458-8
Voorafgegaan deur
Voordinastiese tyd
1ste Dinastie Opgevolg deur
2de Dinastie