Saqqara

in Wikipedia, die vrye ensiklopedie
Jump to navigation Jump to search
Saqqara
Die Piramide van Djoser by Saqqara.
Die Piramide van Djoser by Saqqara.
Koördinate 29°52′16″N 31°12′59″O / 29.87111°N 31.21639°O / 29.87111; 31.21639Koördinate: 29°52′16″N 31°12′59″O / 29.87111°N 31.21639°O / 29.87111; 31.21639
Plaaslike naam  سقارة
Land Vlag van Egipte Egipte
Soort Dodeakker
Oppervlakte 7 x 1,5 km
Geskiedenis
Tydperk Vroeë dinastieëMiddeleeue
Unesco-wêrelderfenisgebied
Tipe Kultureel
Kriteria i, iii, vi
Verwysings 86
Streek† Arabiese State
Beskrywing* Memphis and its Necropolis – the Pyramid Fields from Giza to Dahshur
* Naam soos op die Wêrelderfenislys
Streek soos deur Unesco geklassifiseer.

Saqqara (Arabies: سقارة), ook gespel Sakkara, is ’n groot antieke begrafnisterrein in Egipte wat gedien het as dodeakker vir die Antieke Egiptiese hoofstad Memphis.[1] Daar is verskeie piramides, onder meer die beroemde Piramide van Djoser, wat ook die Trappiramide genoem word, sowel as talle mastabas. Dit is 30 km suid van Kaïro en beslaan ’n gebied van sowat 7 x 1,5 km.

Piramides[wysig | wysig bron]

Die oudste bekende steengeboukompleks in die geskiedenis wat volledig behoue gebly het, is by Saqqara geleë: Djoser se Trappiramide, wat tydens die 3de Dinastie van Antieke Egipte gebou is. Nog 16 farao's het piramides hier laat bou; dit het in verskillende toestande behoue gebly. Paleisamptenare het ook private grafmonumente op die terrein laat bou. Ná die tyd van die farao's het dit nog 3 000 jaar ’n belangrike plek gebly vir nie-koninklike begrafnisse en kultusbedrywighede, tot in die Ptolemeïese en Romeinse tye.

Noord van Saqqara lê Aboesir en suid daarvan Dahsjoer. Die gebied van Giza tot by Dahsjoer is sedert 1979 ’n Unesco-wêrelderfenisgebied.[2]

Die naam Saqqara is afgelei van Beni Saqqar, ’n plaaslike Berber-stam.[3] Hul naam beteken "Seuns van Saqqar".

Vandalisme[wysig | wysig bron]

Saqqara en die omliggende gebiede Aboesir en Dahsjoer het groot skade gelei in die Egiptiese opstande van 2011 deurdat die grafte in dié tyd beroof is. Daar is by pakkamers ingebreek, maar die piramides het nie erg skade gely nie.[4][5]

Dieregrafte[wysig | wysig bron]

Tydens roetine-uitgrawings in 2011 by Saqqara het ’n span onder leiding van die Egiptoloog Salima Ikram en ’n internasionale navorsingspan onder Paul Nicholson van die Cardiff-universiteit byna 8 miljoen diere-mummies ontdek. Daar word geglo die diere, meestal honde, moes hul base se gebede aan hul gode oordra.[6]

Verwysings[wysig | wysig bron]

  1. Fernandez, I., J. Becker, S. Gillies. "Places: 796289136 (Saqqarah)". Pleiades. Besoek op 22 Maart 2013. 
  2. "Memphis and its Necropolis – the Pyramid Fields from Giza to Dahshur — UNESCO World Heritage Centre". Whc.unesco.org. Besoek op 2014-07-27. 
  3. Graindorge, Catherine, "Sokar". In Redford, Donald B., (red) The Oxford Encyclopedia of Ancient Egypt, vol. III, ble. 305–307
  4. "Egyptological Looting Database 2011". 
  5. "Saqqara.nl". 
  6. "Eight million dog mummies found in Saqqara". 

Eksterne skakels[wysig | wysig bron]