Manhattan

Manhattan
Borough
Die stadsilhoeët van Manhattan
Vlag Seël
Kaart van New York wat Manhattan in oranje aandui.
Koördinate: 40°43′42″N 73°59′39″W
Land	Verenigde State
Deelstaat	New York
County	New York
Stad	New York
Stigting	1624
Regering
• Tipe	Borough (Stadsdeel)
• President van die Stadsdeel	Gale Brewer (D)
• Prokureur van die Distrik	Cyrus Vance, Jr.
Oppervlak
• Totaal	87,5 km2 (33,77 vk. myl)
• Land	59,5 km2 (22,96 vk. myl)
• Water	28,0 km2 (10,81 vk. myl)
Bevolking
• Totaal	1 626 159
• Digtheid	27 345,9/km2 (70 825,6/vk. myl)
Tydsone	UTC-5 (OST)
• Somertyd	UTC-4 (ODT)
Webwerf	www.manhattanbp.nyc.gov

Manhattan is die stadsdeel (Engels: borough) in New York met die hoogste bevolkingskonsentrasie en met 'n sterk handelsontwikkeling. Dit het 'n geskatte bevolking (2013) van 1 626 159 en 'n oppervlakte van 87,5 km². Dit grens aan The Bronx in die noorde en die East River skei dit van Brooklyn. Broadway is ook in Manhattan.

Naam

Daar is verskeie verduidelikings vir die naam Manhattan. Daar word soms beweer dat Manhattan vernoem is na die Manna-Hatta Indiane wat na bewering op die eiland gewoon het. Daar word ook gesê dat Mannahatta in die dialek van die Lenape-Indiane "Eiland met die heuwels" of "Eiland met (die) baie heuwels" sou beteken het. Volgens 'n ander tradisie het Manhattan afgestam van die Mohican Indiese woord Manna-ha-ta , wat "Plek van dronkenskap" beteken. In 1609 het Henry Hudson, as Engelse navigator en ontdekkingsreisiger in diens van die VOC, 'n aantal Indiese opperhoofde na sy skeepskajuit genooi en hulle dronk gemaak. Later het indiese stamme die gebied "Manahachtanienk" begin noem, of "die eiland waar ons eens dronk geword het" .

Geskiedenis

In 1626 het Peter Minuit Manhattan van die Lenape Indiane vir die Republiek van die Verenigde Nederlande gekoop.

Die oppervlakte van "'t eylant Manhettes" was na berig word 11 000 morg, ongeveer 94 km² , groter as die huidige stadsdeel Manhattan. Die 'aankoop' sou die begin van New Amsterdam wees, waaruit New York ontstaan het. As gevolg van Peter Minuit en die eerste Waalse immigrante was daar 'n Waalstraat (nou Wall Street).

In September 1776, kort na die begin van die Amerikaanse Rebellie, het Britse soldate Manhattan beset, wat hulle regdeur die oorlog gehou het.

Manhattan se swart bevolking is swaar getref deur die diensplig-onluste van 1863, toe Ierse immigrante dit as 'n bron van oorlog beskou het. Selfs 'n weeshuis vir swart kinders is vernietig. Van die swart bevolking vlug na Brooklyn.

Eksterne skakels

• Wikimedia Commons het meer media in die kategorie Manhattan.