Aanhalings van Voorsitter Mao Zedong

in Wikipedia, die vrye ensiklopedie
Jump to navigation Jump to search
Aanhalings van Voorsitter Mao Zedong
Maozedongxuanji.JPG
Oorspronklike titel毛主席语录
Máo Zhǔxí Yǔlù
OuteurMao Zedong (Mao Tse-toeng)
Hou Bo (fotograaf)
VertalerSentrale Vertalingskantoor
LandVlag van die Volksrepubliek China Volksrepubliek China
TaalChinees
UitgewerVolksbevrydingsleër se Algemene Politieke Departement (aanvanklike vrystellings)
Mense se pers (amptelik en op groot skaal sedert 1965)
UitgegeeJanuarie 1964
MediumDruk (hardeband & sagteband)
ISBN978-0-8351-2388-4
Letterkunde-portaal

Aanhalings van Voorsitter Mao Zedong (Vereenvoudigde Chinees: 毛主席语录; Tradisionele Chinees: 毛主席語錄; pinyin: Máo Zhǔxí Yǔlù) is 'n boek met uitgesoekte aanhalings uit toesprake en geskrifte deur Mao Zedong (Mao Tse-toeng), die voormalige leier van die Kommunistiese Party van China. Dit is tussen 1964 en omstreeks 1976 gepubliseer en wyd versprei tydens die Kulturele Rewolusie.

Agtergrond[wysig | wysig bron]

Die gewildste weergawes is in klein groottes gedruk wat maklik gedra kon word en is in 'n blink rooi omslag gebind. Dit het in die Weste algemeen bekend geword as die Rooi Boekie. Dit is een van die meesgedrukte boeke in die geskiedenis.

Die boekie bevat 427 aanhalings, verdeel oor 33 hoofstukke. Die aanhalings is soms een sin lank, ander keer 'n aantal paragrawe. Die meeste aanhalings kom uit 'n ruim twintigtal dokumente wat in die vier boekdele van die Geselekteerde Werke van Mao staan. Die inhoud gaan veral oor Mao se ideologie, ook wel Maoïsme genoem.

Deur 'n boek uit te gee dat almal verplig was om te lees, het Mao in die voetspore van die Chinese Keisers wat ook sulke memoranda of edikte uitgevaardig het. 'n Bekende voorbeeld is die edik ter weerlegging van die boek "Ontwaak uit 'n waan" van die andersdenkende geleerde Lü Liuliang waarin keiser Yongzheng (1678-1735) kritiek op sy troonopvolging weerlê. Hierdie edik word in die tyd in groot oplae gedruk en oor die hele China versprei.[1] In die Chinese geskiedenis is daar meer voorbeelde van "Keiserlike woorde" wat oral aangehaal, bestudeer en aangebring moet word.

Daar word geskat dat daar alleen al tydens die kulturele rewolusie 5 tot 6,5 miljard eksemplare van die Rooi Boekie uitgegee is. Die "populariteit" van die boekie is veral toe te skryf aan die feit dat elke Chinees geag word om een in sy besit te hê, dit te alle tye by hom te hê, en dit te bestudeer. Hierdie dwang manifesteer veral tydens die kulturele rewolusie.

Gedurende die kulturele rewolusie word die verpligting om die tekste te bestudeer opgelê in skole en word werk onderbreek sodat alle werkers georganiseer die tekste kon bestudeer. Dit geld vir industrieë, amptenary, die platteland, die leër, ens. Dit beïnvloed natuurlik die werk resultate nadelig. Die propaganda vermeld dat die begrip van die aanhalings van Mao verligting sou bring en produksie sou vergroot. Dat dit kontraproduktief was om die werk daarvoor te onderbreek, word op hierdie manier "weerlê".

Gedurende die jare sestig was die Rooi Boekie die mees sigbare simbool in China. Dit word selfs meer afgebeeld as Mao. Op propagandaplakate word mense feitlik altyd afgebeeld met die boekie in die hand.

Internasionale invloed[wysig | wysig bron]

Rooi Boekie te koop op 'n Chinese mark.

In die tydperk Oktober 1966 tot en met die somer is die verspreiding van Aanhalings van Voorsitter Mao Zedong tot die 'sentrale saak' van die Chinese buitelandse beleid verklaar om die Mao-kultus ook internasionaal te bevorder. Geen koste en moeite is deur Beijing gespaar om te verseker dat die Rooi Boekie in meer as honderd lande versprei word. Dit was beweer dat dit die 'gebeurtenis van besonderse vreugde vir die mense in die wêreld is' en 'as die ligbaken vir skepe wat in die digte mis vaar' gedien het. Die hele diplomatieke en klandestiene strukture van China is in die stryd gewerp om die "aanbiding van Mao" in ander lande te inisieer.

Teen die einde van die jare sestig was die propagandaveldtog om Mao te bevorder reeds 10 jaar aan die gang en sy profiel maak 'n inpak. In baie lande in die Weste was baie mense deur hom gehipnoseer en die Rooi Boekie is deur baie studente en intellektuele in die Westerse lande volkome ernstig opgeneem. Die invloedryke Franse skrywer Jean-Paul Sartre prys die rewolusionêre geweld van Mao as 'diepgaande moreel.'[2].

In 1976 het die kulturele rewolusie met die dood van Mao tot einde gekom, die belang van die Rooi Boekie neem af en die verheerliking van Mao word langsamerhand beskou as 'n historiese kulturele fenomeen.

Verwysings[wysig | wysig bron]

  1. "Treason by the Book", Jonathan Spence, 2001
  2. Sartre, Jean Paul, Les Maos en France, Uitg. Gallimard, Parijs (1972), ”Introduction (Avant Propos) to Manceaux, Michele” , bl. 13

Eksterne skakels[wysig | wysig bron]

Sien ook[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.