Aar

in Wikipedia, die vrye ensiklopedie
Spring na: navigasie, soek
Deursnit van 'n aar wat die klep wys wat terugvloei verhoed

In biologie is 'n aar 'n bloedvat wat bloed vanaf die liggaam na die hart terugvoer. Are maak deel uit van die bloedsomloopstelsel. Die vate wat bloed weg van die hart vervoer staan bekend as slagare.

Biologiese aar[wysig | wysig bron]

Are het eenrigtingkleppe om terugvloei deur swaartekrag te verhoed. In die bloedsomloopstelsel word suurstofarme bloed vanaf die kappilêre bloedvate deur are na die regterkant van die hart vervoer. 'n Uitsondering hierop is met die bloedsomloopstelsel deur die longe waar die longare vanaf die longe, suurstofryke bloed bevat. 'n Ander spesiale aar is die poortaar wat bloed ryk in verteringsprodukte vanaf die dunderm na die lewer vervoer.

Name van belangrike are:

Are word in die geneeskunde gebruik om toegang tot die bloedstroom te verkry, om bloedmonsters te neem vir toetsdoeleindes, om vloeistowwe soos elektroliete, voedingstowwe en medikasies in te spuit. Laasgenoemde word dikwels na verwys as binne-aarse toediening. Dit kan gedoen word deur gebruik te maak van 'n inspuiting met 'n inspuitnaald of deur die insit van 'n kateter ('n buigbare buis).

As 'n binne-aarse kateter ingesit moet word, word dit gedoen deur dit by 'n oppervlakkige aar in te sit. Sommige hoogs gekonsentreerde vloeistowwe of medikasies wat irritasie veroorsaak moet in die groter sentrale are invloei. Kateters kan in die groter vena cava vir sodanige doeleindes ingestoot word. Vir langtermyn gebruik word meer permanente toegangspunte snykundig voorsien. Die presiese ligging van are wissel baie meer van persoon tot persoon as in die geval van slagare.

Sien ook[wysig | wysig bron]