Abia

in Wikipedia, die vrye ensiklopedie
Jump to navigation Jump to search
Abia

Abia was die tweede koning van die koninkryk van Juda en het 3 jaar regeer (913 tot 911 voor Christus). Hy was uit die familie van koning Dawid en die seun van koning Rehabeam. Volgens 2 Kron 13 het hy soos sy vader afgode aanbid maar tydens die oorlog teen koning Jerobeam I van Israel het hy op die Here gesteun. Die Here het hom "ter wille van Dawid" die oorwinning oor Jerobeam I gegee (2 Kron 13).

In die Bybel word daar o.a. na hom verwys in:

- 2 Kronieke 11: 22

- 2 Kronieke 13

- 1 Konings 15: 1-8


Abia se moeder was Maäga/ Migaja wat in 1 Kon 15: 2 die "dogter van Abisalom" en 2 Kron 13: 2 "die dogter van Uriël uit Gibea" genoem word. Daar word vermoed dat Uriel moontlik Absalom se skoonseun was en dat Maäga/Migaja gevolglik Absalom se kleinkind sou gewees het.

Volgens oorlewering het Abia 14 vrouens, 22 seuns en 16 dogters gehad.

Literatuur[wysig | wysig bron]

  • Die Bybel (1953-Vertaling)