Abrahamitiese gelowe

in Wikipedia, die vrye ensiklopedie
Jump to navigation Jump to search
Simbole van die drie grootste Abrahamitiese gelowe: (van bo) die Joodse Ster van Dawid, die Christelike kruis en die Islamitiese ster en sekelmaan.

Die Abrahamitiese gelowe is ’n groep Semities geïnspireerde godsdiensgemeenskappe wat daarop aanspraak maak dat dit van die Judaïsme van die antieke Israeliete afstam en die God van Abraham aanbid. Dit is monoteïstiese gelowe: Hulle aanbid net een God, die unieke God. Die term kom van die patriarg Abraham, ’n belangrike figuur in die Ou Testament wat deur Christene, Moslems en ander erken word.[1]

Abrahamieste godsdienste het wêreldwyd versprei nadat die Christelike geloof in die 4de eeu deur die Romeinse Ryk aanvaar is en Islam van die 7de eeu af deur die Islamitiese ryke. Die groot Abrahamitiewe gelowe, in chronologiese volgorde van hul stigting, is Judaïsme (7de eeu v.C.),[2] die Christendom (1ste eeu) en Islam (7de eeu).

Dit is die drie Abrahamitiese gelowe met die grootste getal volgelinge.[3][4][5] Ander Abrahamitiese gelowe met minder volgelinge sluit in Samaritanisme,[6] die Droese,[7] Babisme,[8] Baha’i en Rastafarianisme.[9][10]

In 2005 is 54% van die wêreldbevolking (3,6 miljard mense) beskou as volgelinge van ’n Abrahamitiese geloof, sowat 32% as volgelinge van ander gelowe en 16% as aanhangers van geen georganiseerde geloof nie. Sowat 33% van die wêreldbevolking is Christene, sowat 21% Moslems, sowat 0,2% Jode[11][12] en sowat 0,1% behoort tot Baha’i.[13][14]

Verwysings[wysig | wysig bron]

  1. Philosophy of Religion”. Encyclopædia Britannica. 2010. URL besoek op 24 Junie 2010.
  2. (Junie 2010) “Abraham's children in the genome era: major Jewish diaspora populations comprise distinct genetic clusters with shared Middle Eastern Ancestry”. Am. J. Hum. Genet. 86 (6): 850–9. doi:10.1016/j.ajhg.2010.04.015. [1]
  3. Massignon 1949, pp. 20–23
  4. Smith 1998, p. 276
  5. Derrida 2002, p. 3
  6. Introduction to Judaism Classroom Materials”. (PDF) Jewish Museum of Maryland: 2007. URL besoek op 19 September 2009.
  7. Obeid, Anis (2006). The Druze & Their Faith in Tawhid. Syracuse University Press. p. 1. ISBN 978-0-8156-5257-1. Besoek op 27 Mei 2017. 
  8. Onyeakor, Joachim (16 Augustus 2012). Did We Create God?. Xlibris Corporation (published 2012). ISBN 9781477136973. Besoek op 10 Januarie 2015. 
  9. Abrahamic Religion”. Christianity: Details about.... Christianity Guide. URL besoek op 19 September 2009.
  10. * Why 'Abrahamic'?”. Lubar Institute for Religious Studies at U of Wisconsin. URL besoek op 3 Maart 2012.
  11. Hunter, Preston. “Major Religions of the World Ranked by Number of Adherents”. Adherents.com.
  12. Worldwide Adherents of All Religions by Six Continental Areas, Mid-2002”. Encyclopædia Britannica. 2002. URL besoek op 15 September 2014.
  13. FIELD LISTING :: RELIGIONS”. World Factbook. CIA: 2013. URL besoek op 9 September 2013.
  14. Barrett, David A. (2001). World Christian Encyclopedia. p. 4. 

Eksterne skakels[wysig | wysig bron]