Adelheid Armhold

in Wikipedia, die vrye ensiklopedie

Adelheid Armhold (gebore 4 Maart 1900 in Kiel - 1992)[1] was 'n sopraan. Sy is van 'n Hollandse vader en Friese moeder gebore. Sy was deeglik onderlê in die sangtradisies van die Duitse, Franse en Italiaanse skole. Hoewel sy in Lieder gespesialiseer het, het sy ook groot welslae in operas behaal as Pamina (Die Towerfluit) en Agathe (Der Freischütz) en andere.

Haar stem het geleidelik dieper geword en dit was as mezzo-sopraan dat sy aan die einde van 1939 'n aanstelling as senior lektrise in sang aan die Musiekkollege in Kaapstad aanvaar het. Hier het sy bekendheid verwerf as sangeres en as leermeesteres van bekende Suid-Afrikaanse sangers soos Noreen Berry, Nellie du Toit,[2][3] Zander Haagen, George van der Spuy, Désirée Talbot, Gé Korsten[4] en andere. Sy het aan die einde van 1965 afgetree, en was van die begin van 1977 af 'n sangonderwyseres by 'n musiekskool in Honolulu.

Sy was getroud met die bekende kunstenaar, professor Pranas Domšaitis.[5]

Bronnelys[wysig | wysig bron]

Verwysings[wysig | wysig bron]

  1. Kutsch, Karl-Josef; Riemens, Leo (22 Februarie 2012). "Großes Sängerlexikon". Walter de Gruyter – via Google Books.
  2. Mossolow, Alexandra Xenia Sabina (2003). The Career Of South African Soprano Nellie Du Toit, Born 1929.
  3. "Petronella Nellie du Toit South African soprano singer is born - South African History Online". www.sahistory.org.za (in Engels). Geargiveer vanaf die oorspronklike op 23 Oktober 2019.
  4. "PressReader.com - Your favorite newspapers and magazines". www.pressreader.com (in Engels). Geargiveer vanaf die oorspronklike op 23 Oktober 2019.
  5. digitalcollections.lib.uct.ac.za Pranas Domšaitis and his wife, Adelheid Armhold, Cape Town