Friesland
Friesland Fryslân | |
|---|---|
Provinsie | |
 Vlag  Wapen | |
 Ligging van die provinsie Friesland in Nederland | |
 Kaart van die provinsie Friesland | |
| Koördinate: 53°8′N 5°49′O / 53.133°N 5.817°OKoördinate: 53°8′N 5°49′O / 53.133°N 5.817°O | |
| Land |  Nederland |
| Hoofstad | Leeuwarden (Ljouwert) |
| Grootste stad | Leeuwarden (Ljouwert) |
| Regering | |
| • Kommissaris | Arno Brok (VVD) |
| Oppervlak | |
| • Totaal | 5 748 km2 (2 219 vk. myl) |
| • Land | 3 341 km2 (1 290 vk. myl) |
| • Water | 2 407 km2 (929 vk. myl) |
| Bevolking | |
| • Totaal | 646 092 |
| • Digtheid | 112/km2 (290/vk. myl) |
| Tydsone | UTC+01:00 (MET) |
| • Somertyd | UTC+02:00 (MEST) |
| Webwerf | www.friesland.nl |
Friesland (Wes-Fries: Fryslân) is een van die 12 provinsies van Nederland en is in die noorde geleë. Die amptelike naam is Fryslân.[3]
Die provinsie het 'n bevolking van 651 000 in 2021 gehad en beslaan 'n oppervlakte van 5 748 km² met 'n bevolkingsdigtheid van 1112 per km². Die hoofstad en grootste stad is Leeuwarden (Ljouwert in Wes-Fries).
Alle bewoonde Wes-Friese eilande, met uitsondering van Texel, val administratief onder die provinsie. Sy ligging tussen die Ysselmeer in die weste en die provinsie Groningen in die ooste maak van Friesland die tweede mees noordelike provinsie van Nederland. Dit is die enigste provinsie wat naas Nederlands 'n tweede ampstaal het - Wes-Fries wat, ondanks sy noue verwantskap met Nederlands, as 'n selfstandige taal erken word. Die meeste sprekers van Wes-Fries is egter ook Nederlands magtig.
Landbou en toerisme op die mere en eilande in die Waddesee is belangrike bronne van inkomste. Die provinsie is ook bekend vir sy ysskaatsers en die Elfstedentocht, 'n ysskaats-resies van 200 kilometer wat na die historiese elf stede van Friesland vernoem is.
Munisipaliteite[wysig | wysig bron]
Friesland (Fryslân) bestaan uit 18 munisipaliteite:
| Munisipaliteite | Friese naam | Opmerkinge |
|---|---|---|
| Achtkarspelen | Achtkarspelen | |
| Ameland | It Amelân | |
| Dantumadeel | Dantumadiel | Friese naam is amptelike naam |
| De Friese Meren | De Fryske Marren | Friese naam is amptelike naam |
| Harlingen | Harns | |
| Heerenveen | It Hearrenfean | |
| Leeuwarden | Ljouwert | |
| Noordoost-Friesland | Noardeast-Fryslân | Friese naam is amptelike naam |
| Ooststellingwerf | Eaststellingwerf | |
| Opsterland | Opsterlân | |
| Schiermonnikoog | Skiermûntseach | |
| Smallingerland | Smellingerlân | |
| Terschelling | Skylge | |
| Tietjerksteradeel | Tytsjerksteradiel | Friese naam is amptelike naam |
| Vlieland | Flylân | |
| Wadhoek | Waadhoeke | Friese naam is amptelike naam |
| Weststellingwerf | Weststellingwerf | |
| Zuidwest-Friesland | Súdwest-Fryslân | Friese naam is amptelike naam |
Verwsyings[wysig | wysig bron]
- ↑ "Bodemgebruik; uitgebreide gebruiksvorm, per gemeente" (in Nederlands). Centraal Bureau voor de Statistiek. 2013. Geargiveer vanaf die oorspronklike op 16 Augustus 2014. Besoek op 28 Maart 2016.
- ↑ "Bevolkingsontwikkeling; regio per maand" (in Nederlands). Centraal Bureau voor de Statistiek. 2014. Geargiveer vanaf die oorspronklike op 16 Augustus 2014. Besoek op 28 Maart 2016.
- ↑ Die amptelike naam van die provinsie is volgens 'n besluit van die Nederlandse Departement van Binnelandse Sake, wat in November 2004 geneem is.
Eksterne skakels[wysig | wysig bron]
Wikimedia Commons het meer media in die kategorie Friesland.- (nl) Amptelike webwerf van die provinsie Friesland
| ||
.svg){kind=small}
-Flag.svg){kind=small}
