Air Force One

in Wikipedia, die vrye ensiklopedie
Jump to navigation Jump to search
Air Force One vlieg oor Mount Rushmore.
Lyndon B. Johnson word twee uur na die moord op pres. John F. Kennedy as die nuwe president van die VSA in Air Force One, destyds nog 'n Boeing 707, beëdig.

Air Force One is die roepsein vir enige vliegtuig van die Amerikaanse Lugmag wat deur die president van die Verenigde State van Amerika gebruik word. Dit word as 'n prominente simbool van die V.S.A. se mag en invloed in die wêreld gesien.[1]

Die Amerikaanse president vlieg gewoonlik in een van twee omgeboude Boeing 747-vliegtuie, met stertnommers 28000 en 29000. Die vliegtuie word slegs Air Force One genoem as die president aan boord is. Wanneer die vise-president of 'n ander hooggeplaaste amptenaar daarin vlieg, word dit Air Force Two genoem. Om veiligheidsredes mag die president en die vise-president nooit saam vlieg nie.[2]

Toe pres. Richard Nixon in 1974 as president bedank het, het hy in Air Force One na sy huis in Kalifornië teruggevlieg. Halfpad daarheen het sy presidentskap tot 'n einde gekom, en is 'n nuwe roepsein in vlug aan die vliegtuig toegeken.

Die huidige Boeing 747-200B's kan teen 'n topsnelheid van ongeveer 1 100 km/h vlieg. Dit het 'n bemanning van 26 lede en bied plek vir 76 passasiers. Die vliegtuig het (soos alle 747's) drie vlakke. Die boonste vlak huisves gevorderde kommunikasietoerusting, terwyl die middelste vlak vir passasiers en kantore gebruik word, en die onderste vlak as vragruim dien. Die vliegtuie sal na verwagting in 2018 met twee Boeing 747-8's vervang word.[3]

Verwysings[wysig | wysig bron]

  1. Air Force One toegerus vir elke denkbare gebeurlikheid, Die Burger, 9 Julie 2003
  2. Walsh, Kenneth T. Air Force One: A History of the Presidents and Their Planes. New York: Hyperion, 2003. ISBN 1-4013-0004-9
  3. President krijgt nieuwe Air Force One, NOS, 29 Januarie 2015

Eksterne skakels[wysig | wysig bron]