Aleksander N. Skriabin

in Wikipedia, die vrye ensiklopedie
Aleksander N. Skriabin
Aleksander N. Skriabin in 1910
Agtergrondinligting
GeboortenaamAleksander Nikolaiewitsj Skriabin
Gebore(1872-01-06)6 Januarie 1872
Moskou, Russiese Keiserryk
Sterf14 April 1915 (op 43)
Moskou, Russiese Keiserryk
GenresSimboliek, simfonie, sonate en klassieke musiek
Beroep(e)Komponis en pianis
InstrumenteKlavier
AssosiasiesIgor Strawinski, Anton Arenski, Aleksandr Gretsjaninof

Aleksander Nikolaiewitsj Skriabin (Russies: Алекса́ндр Никола́евич Скря́бин, [ɐlʲɪˈksandr nʲɪkəˈɫaɪvʲɪtɕ ˈskrʲæbʲɪn]; 1872–1915) was 'n Russiese komponis. Hy is van sy 10de jaar af as soldaat opgelei, maar hy het terselfdertyd in die musiek gestudeer. Van 1888 tot 1892 het hy aan die Moskouse Konservatorium, onder andere onder Tanejef en Anton Arenski, gestudeer. Na konsertreise in Europa is hy in 1897 getroud, en van 1898 tot 1903 het hy aan die Moskouse Konservatorium lesings gegee.

In 1904 het hy hom in Switserland gevestig en sy aandag aan komposisie bestee. Skriabin het al hoe meer behep geraak met die mistieke filosofie, waaraan hy later ook sy musikale uitinge probeer koppel het. Skriabin se reputasie berus op sy sensitiewe, fyn afgewerkte klaviermusiek wat 10 sonates, 'n klavierconcerto en talle preludes en ander kort stukke insluit.

Sy latere pogings om sy mistieke denke in sy musiek te verbeeld, het nie algemene byval gevind nie, maar hy beklee nietemin 'n plek in die ontwikkeling van die moderne Russiese musiek.

Bronnelys[wysig | wysig bron]

Eksterne skakels[wysig | wysig bron]

  • Wikimedia Commons logo Wikimedia Commons het meer media in die kategorie Aleksander N. Skriabin.
  • (en) "Aleksandr Scriabin". Encyclopædia Britannica. Besoek op 3 September 2019.