Aleksander Oeljanof

in Wikipedia, die vrye ensiklopedie
Aleksander Oeljanof

Aleksander Iljitsj Oeljanof (Russies: Александр Ильич Ульянов) (12 April 186620 Mei 1887) was ’n Russiese rewolusionêr en die ouer broer van Wladimir Iljitsj Oeljanof (Lenin).

Hy is gearresteer toe hy en sy kamerade ’n sluipmoord op keiser Aleksander III wou uitvoer. Ná hul skuldigbevinding is hulle tereggestel. Die dood van sy broer het ’n groot invloed op Lenin se politieke oortuigings gehad.

Biografie[wysig | wysig bron]

Sy pa was Ilja Nikolajewitsj Oeljanof, ’n bekende skoolinspekteur in Nizjni Nowgorod wat ’n oorerflike adellike titel gekry het vir sy werk in die opvoedkunde. Aleksander het in 1983 sy skoolloopbaan met ’n goue medalje aan die Simbirsk-gimnasium voltooi en daarna ingeskryf by die Fakulteit van Natuurwetenskappe aan die Universiteit van Sint Petersburg, waar hy weer eens uitgeblink het.

Rewolusionêre bedrywighede[wysig | wysig bron]

Hy het deelgeneem aan onwettige byeenkomste, demonstrasies en propagandistiese bedrywighede van die studente en werkers. In Desember 1886 het hy lid geword van die "terroriste-faksie" van die party Narodnaja Wolja (Die Wil van die Volk). Die meeste lede van die faksie was studente aan die Universiteit van Sint Petersburg en is sterk deur Marxisme beïnvloed.

Die faksie het beplan om op 1 Maart 1887 ’n sluipmoord op keiser Aleksander III uit te voer. Die aanval is afgeweer en vyftien mense is gearresteer. Ná ’n hofsaak in April van dieselfde jaar is Aleksander en vier ander lede van die faksie ter dood veroordeel.

Aleksander se moeder, Maria Aleksandrowna Oeljanowa, het tsaar Aleksander in ’n brief gesmeek om haar seun te begenadig en is toegelaat om hom te besoek. Aleksander self is toegelaat om die keiser om begenadiging te vra, maar hy het geweier. Hy het gesê dis so goed jy neem aan ’n tweegeveg deel en nadat jy op jou teenstander gevuur het, vra jy hom om nie terug te vuur nie.[1]

Hy en sy kamerade is op 8 Mei (Nuwe Styl: 20 Mei) 1887 gehang.

Verwysings[wysig | wysig bron]

Hierdie artikel is merendeels vertaal vanaf die Russiese Wikipedia-artikel ru:Ульянов, Александр Ильич