413 – Die Romeinse keiser Honorius vaardig ´n edik uit om belastings in die Italiaanse provinsies Toscane, Campanië, Picenum, Apulië en Kalabriëte verlaag. Die provinsies het groot skade gely agv die rooftogte van die Gote.
1774 – Volgens die Friesiese predikant Eelko Alta sou die wêreld op hierdie dag vergaan vanweë die samestand van die planete Mars, Venus, Jupiter, Merkurius en die maan.
1842 – Die Groot Brand in die Duitse stad Hamburg word na vier dae geblus. Amper een derde van die ou-stad word deur die brand vernietig. 51 mense het in die brand omgekom en byna 20000 mense word haweloos gelaat.
1877 – By Gilmore’s Gardens in New York Stad, open die eerste Westminster-hondeskou.
1877 – Tydens Duitse uitgrawings van die Cella van die Hera-tempel in Olympia word die standbeeld van die Hermes van Olympia ontdek. Dit word algemeen aanvaar dat dit 'n werk van die antieke beeldhouer Praxiteles is, wat om 340 v.C. geskep is.
1886 – Die Amerikaanse apteker dr. John Styth Pemberton skep ’n drankie wat later bekend staan as Coca-Cola.
1902 – In Martinique, vind die uitbarsting van Mount Pelee plaas en die dorp St. Pierre word verwoes en meer as 30 000 mense sterf. Slegs ’n klein aantal van die inwoners van St. Pierre’s oorleef.
1925 – Afrikaans word 'n amptelike taal van die Unie van Suid-Afrika nadat die Suid-Afrikaanse Volksraad en Senaat 'n wysiging aanvaar wat Afrikaans as 'n vorm van Nederlands erken.
1945 – Tweede Wêreldoorlog: VE-dag, die dag waarop die Duitse magte instem om onvoorwaardelik oor te gee.
1945 – Slagting van Sétif: 'n Betoging om die einde van die Tweede Wêreldoorlog te vier en om die onafhanklikheid van Algerië te eis word bloedig deur die Franse onderdruk. Meer as 10 000 mense sterf.
1946 – Shunsaku Tamiya begin ’n besigheid met die naam Tamiya Shoji Co. ’n saagmeulemaatskappy gestig in Oshika, Shizuoka-Stad, Japan.
1949 – Die nuwe grondwet van Wes-Duitsland word goedgekeur en tree op 23 Mei van dieselfde jaar in werking.