Altiero Spinelli

in Wikipedia, die vrye ensiklopedie
Jump to navigation Jump to search
Altiero Spinelli
Altiero Spinelli
Altiero Spinelli in 1970

Kommissaris vir Nywerheid en Entrepreneurskap
Ampstermyn
1 Julie 1970 – 4 Julie 1976
President Franco Maria Malfatti
Sicco Mansholt
Voorafgegaan deur Guido Colonna di Paliano
Opgevolg deur Étienne Davignon

Lid van die Italiaanse Kamer
Ampstermyn
5 Julie 1976 – 10 Julie 1983

Lid van die Europees Parlement
vir Sentraal-Italië
Ampstermyn
10 Junie 1979 – 23 Mei 1986

Persoonlike besonderhede
Gebore (1907-08-31)31 Augustus 1907
Rome, Italië
Sterf 23 Mei 1986 (op 78)
Rome, Italië
Politieke party Kommunistiese Party van Italië (1924–1937)
Aksieparty (1943–1946)
Republikeinse Demokratiese Konsentrasie (1946)
Onafhanklike Linke (1976-1983)
Eggenoot/eggenote Ursula Hirschmann (1945–86; sy dood)
Kind(ers) Barbara Spinelli
Alma mater Sapienza Universiteit van Rome

Altiero Spinelli (31 Augustus 1907, Rome – 23 Mei 1986, Rome) was 'n Italiaanse staatsman, wat 'n groot rol in die Europese eenwording gespeel het.

In sy jeug word hy lid van die Italiaanse Kommunistiese Party. Hy word in 1926 in hegtenis geneem en deur Mussolini se Fascistiese Spesiale Tribunaal tot 16 jaar en 8 maande tronk veroordeel. Hy het in hierdie tyd geweier om sy ideale op te gee. Hy gebruik sy tyd in gevangeskap om te studeer en word 'n proponent van supranasionale integrasie. Hy raak teleurgestel met die Kommunistiese Party en op die eilandjie Ventotene waar hy gevange gehou word begin hy om sy Federalistiese gedagtes uit te werk en hy skryf die Ventotene-manifes. Hy sê daarin dat 'n oorwinning op die Fascistiese kragte in Europa sonder supranasionale Europese eenwording nutteloos sal wees. Sy doel word om die lande van Europa só te verenig dat oorlog onmoontlik word.[1]

Hy is lid van die Europese Kommissie van 1970 tot 1976 en raak in die tyd oortuig dat die intergoewernemetele metode van afsprake tussen die lidlande van die EEG nie die regte pad na Europese eenheid is nie. In 1980 stig hy die Krokodilklub van mense wat in die Europese Parlement probeer om 'n nuwe verdrag voor te berei wat – behalwe in naam – 'n grondwet vir 'n nuwe Europese Unie kan wees.[1]

Sy Spinelli-Plan word op 14 Februarie 1984 in die Europese Parlement met oorweldigende meerderheid aangeneem, maar daar is nasionale parlemente wat die plan teenstaan. In 1984 word die Enige Europese Akte nogtans aangeneem wat 'n deel van sy planne verwesenlik en die grense van Europa open en in 1992 word met die Verdrag van Maastricht die Europese Unie gestig. Hy het veral die Franse onder Mitterrand oortuig om minder aan hulle intergoewernementele metode vas te hou.[1]

Die Federalistiese beweging gebruik vandag die eiland van Ventotene as plek waar hulle saamkom.

Verwysings[wysig | wysig bron]