Aluminiumtetrachloriedanioon

in Wikipedia, die vrye ensiklopedie
Aluminiumtetrachloriedanioon

IUSTC-naam tetrachlooraluminaat(1-)
Ander name tetrachloriedoaluminaat(1-)
tetrachlooralumanuied
ChEBI 30110
Chemspider 10737456
PubChem 3728926
8146288
SMILES Cl[Al-](Cl)(Cl)Cl
Chemiese formule AlCl4
Molêre massa 168.78 g·mol−1
Molekulêre vorm Tetraëdriese
Hibridiseering sp3

Aluminiumtetrachloriedanioon is 'n chemiese verbinding. Dit word in die Friedel-Crafts-alkileringsreaksie uit aluminiumtrichloried (AlCl3) gevorm. Die anioon het 'n tetraëdrale vorm, soortgelyk aan koolstoftetrachloried, waar koolstof deur aluminium vervang word. Sommige van die verbindings is oplosbaar in organiese oplosmiddels, wat 'n ioniese, nie-waterige oplossing vorm, wat hulle geskik maak as komponent van elektroliete vir batterye. Byvoorbeeld, in sommige litiumbatterye word litiumtetrachlooraluminaat gebruik.

Vorming[wysig | wysig bron]

Tetrachlooraluminaatione word gevorm as tussenganger in die Friedel–Crafts-alkileringsreaksie, waarin aluminiumchloried as katalisator gebruik word. Die Friedel-Crafts-alkileringsreaksie kan soos volg in drie stappe verdeel word:[1]

Stap 1: Die alkielhalied reageer met die sterk Lewis-suur en vorm 'n geaktiveerde elektrofiel wat bestaan uit die tetrachlooraluminaatioon en die alkielgroep.

alkielhalied reageer met sterk Lewis-suur (AlCl3) om geaktiveerde elektrofiel te vorm

Stap 2: Die aromatiese ring (in hierdie geval benseen) reageer met die met die geaktiveerde elektrofiel en vorm 'n alkielbensoniumkoolstof-katioon.

Aromatiese ring reageer met geaktiveerde elektrofiel en vorm 'n alkielbensoniumkoolstof-katioon

Stap 3: Die alkielbensoniumkoolstof-katioon reageer met 'n tetrachlooraluminaat-anioon, die aromatiese ring en die Lewis-suur word herskep en soutsuur (HCl) vorm.

Benzenoniumkoolstofverbinding reageer met tetrachlooraluminaat anioon, aromatiese ring en Lewis-suur hervorm + HCl

Verwysings[wysig | wysig bron]

  1. "Electrophilic substitution - the alkylation of benzene". chemguide (in Engels). Besoek op 28 Julie 2020.