Andrew Davis

in Wikipedia, die vrye ensiklopedie
Jump to navigation Jump to search

Sir Andrew Frank Davis[1] (2 Februarie 1944 –) is 'n Engelse dirigent. Hy is tans musikale direkteur en hoofdirigent van die Liriese Opera van Chicago, hoofdirigent van die Melbourne Simfonieorkes en dirigent-laureaat van beide die Toronto Simfonieorkes en die BBC Simfonieorkes.

Davis is in Ashridge, Hertfordshire gebore as die seun van Robert J. Davis en sy vrou Florence Joyce (née Badminton). Davis het grootgeword in Chesham, Buckinghamshire, en in Watford.[2] waar hy die Watford Grammar School for Boys bygewoon het. Sy jeuglike musikale werk het die speel van die orrel by die Palace Theatre in Watford ingesluit.[2] Davis het by die Koninklike Kollege van Musiek en King's College, Cambridge orrel studeer en het in 1967 daar gegradueer. Hy het later dirigeerwerk in Rome saam met Franco Ferrara studeer.

Loopbaan[wysig | wysig bron]

Davis se eerste groot posisie was sy aanstelling as assosiaat-dirigent van die BBC Skotse Simfonieorkes in 1970. In 1975 is hy as musikale direkteur van die Toronto Simfonieorkes (TSO) aangestel. Hy het die pos tot 1988 gehou, en daarna die titel van Dirigent-Laureaat van die LSO geneem.[3]

In 1988 is Davis as musikale direkteur by die Glyndebourne Festival Opera aangestel waar hy die Amerikaanse sopraan Gianna Rolandi ontmoet het wat sy derde vrou sou word.[4] Davis se tyd aan die hoof van Glyndebourne is in die jaar 2000 beëindig. In 1989 het Sir John Drummond vir Davis as hoofdirigent van die BBC Simfonieorkes (BBC SO) aangestel.[5] Gedurende sy tyd aan die hoof van die BBC SO het Davis die tradisie wat deur Malcolm Sargent begin is; te wete dat die hoofdirigent van die BBC SO die Laaste Nag van The Proms dirigeer, herstel. Hy was bekend om sy humoristiese toesprake gedurende die geleenthede, insluitende die gee van twee toesprake na die sersantmajoor se lied van The Pirates of Penzance,[2][6] maar hy het ook op 'n meer ernstige noot die dood van Diana, Prinses van Wallis, Moeder Teresa, en Sir Georg Solti aangespreek tydens sy 1997 toespraak.[7] Davis het in die jaar 2000 as hoofdirigent van die BBC SO afgetree en hou nou die titel van dirigent-laureaat van die BBC SO.

Davis was in Mei 1992 as Commander of the Order of the British Empire (CBE) aangestel, en in die Nuwe Jaar Eerbewyse was hy as Knight Bachelor aangestel. Hy het in 2002 die Prom at the Palace konsert gelei wat in die tuine van Buckingham-paleis as deel van die vieringe vir die Goue Herdenking van Koningin Elizabeth gehou is.

Davis het in 2000 die musikale direkteur en hoofdirigent van die Liriese Opera van Chicago geword. Sy werk in Chicago het sy 2005 (eerste) uitvoering van die Der Ring des Nibelungen siklus van Richard Wagner ingesluit[8] asook die eerste Chicago produksie van Michael Tippett se The Midsummer Marriage.[9] Sy huidige kontrak met die Liriese Opera van Chicago strek tot en met die 2020-2021 seisoen.[10]

In 2005 is Davis vir 'n tydperk van drie jaar as Musikale Raadgewer by die Pittsburgh Simfonieorkes aangestel. In September 2006 het hy aangekondig dat hy na die 2007-08 seisoen afstand sal doen van die posisie.[11] In Oktober 2007 het Davis en die orkes wedersyds ooreengekom om die kontrak vroeg te beëindig. Hy sou daarvolgens ook nie die konserte wat vir die 2007/2008 seisoen geskeduleer was dirigeer nie as gevolg van die toenemende vereistes van sy skedule.[12] Buite die VSA, het die Melbourne Simfonieorkes (MSO) in Junie 2012 vir Davis as hul hoofdirigent aangekondig, met ingang Januarie 2013, met 'n aanvanklike kontrak van vier jaar.[13] In Julie 2015 het die MSO Davis se kontrak verleng na 2019.[14] In April 2018 het die MSO aangekondig dat Davis sy tyd aan die hoof van die MSO aan die einde van Desember 2019 sal afsluit.[15]

Optredes[wysig | wysig bron]

Davis het reeds 'n wye reeks repertoire uitgevoer, met 'n spesifieke fokus op kontemporêre Britse musiek. Hy word veral geassosieer met die musiek van Michael Tippett,[16] insluitende die Britse buiging van Tippett se werk, The Mask of Time. Davis het vir 'n aantal plate-etikette opnames gemaak, insluitende NMC Recordings, Teldec en Deutsche Grammophon.[17] Hy het ook 'n opname van Harrison Birtwistle se opera The Mask of Orpheus gemaak, wat met kritiese lof begroet is.

Persoonlike lewe[wysig | wysig bron]

Davis en sy vrou woon in Chicago. Hul seun Edward, wat in 1989 gebore is, is 'n gegradueerde van Knox College (Illinois).[18]

Verwysings[wysig | wysig bron]

  1. International Who's Who in Classical Music, Europa Publications Limited (2003; ISBN 1-85743-174-X), bl. 176.
  2. 2,0 2,1 2,2 John Walsh (13 September 1997). "Conductor of hope and glory". The Independent. Besoek op 7 September 2009.
  3. Littler, William (8 Mei 2015). "The TSO's Englishman in Toronto". Toronto Star. Besoek op 6 Desember 2018.
  4. "Does he have what it takes?". Telegraph. 28 Junie 1997. Besoek op 26 November 2011.
  5. Humphrey Burton (8 September 2006). "Obituary: Sir John Drummond". The Guardian. Besoek op 7 September 2009.
  6. Cannadine, David (Mei 2008). “The 'Last Night of the Proms' in historical perspective”. Historical Research 81 (212): 315–349. doi:10.1111/j.1468-2281.2008.00466.x. Besoek op 7 September 2009.
  7. Robert Cowan/Edward Seckerson (15 September 1997). "Last Saturday saw the Last Night of the Proms and the first night of the Royal Opera's exile at the Barbican. Robert Cowan and Edward Seckerson were at the respective venues..." The Independent. Besoek op 7 September 2009.
  8. Martin Kettle (7 April 2005). "Der Ring des Nibelungen (Lyric Opera, Chicago)". The Guardian. Besoek op 7 September 2009.
  9. Matthew Westwood (21 Augustus 2009). "Davis's baton change". The Australian. Besoek op 7 September 2009.[dooie skakel]
  10. Lyric Opera of Chicago (17 Junie 2012). "Sir Andrew Davis adds chief conductor of the Melbourne Symphony Orchestra to his responsibilities". Persberig. http://www.lyricopera.org/pressroom/davis-melbourne-symphony.aspx. Besoek op 26 Junie 2012. [dooie skakel]
  11. Andrew Druckenbrod (29 September 2006). "Future succession to keep PSO busy". Pittsburgh Post-Gazette. Besoek op 28 April 2007.
  12. Andrew Druckenbrod (27 Oktober 2007). "Davis backs out of PSO concerts". Pittsburgh Post-Gazette. Besoek op 27 Oktober 2007.
  13. Melbourne Symphony Orchestra (18 Junie 2012). "Sir Andrew Davis announced as Melbourne Symphony Orchestra Chief Conductor". Persberig. http://www.mso.com.au/news/2012/06/sir-andrew-davis/. Besoek op 18 Junie 2012. 
  14. Melbourne Symphony Orchestra (27 Julie 2015). "Chief Conductor Sir Andrew Davis to lead the Melbourne Symphony Orchestra until 2019". Persberig. https://www.mso.com.au/media-centre/news/2015/07/Sir-Andrew-Davis. Besoek op 2018-04-12. 
  15. Angus McPherson (2018-04-10). "Sir Andrew Davis to step down from Melbourne Symphony Orchestra". Limelight Magazine. Besoek op 2018-04-12.
  16. David Cairns (writer) (March 1998). “Images of beauty: Michael Tippett 1905–1998”. The Musical Times 139 (1861): 4–5. Besoek op 7 September 2009.
  17. Tim Ashley (23 Februarie 2007). "Chopin: Piano Concerto No 1; Liszt: Piano Concerto No 1, Li/ Philharmonia/ Davis". The Guardian. Besoek op 7 September 2009.
  18. Barbara Wright-Pryor (2012-06-16). "Sir Andrew Davis receives honorary degree from Knox College". Chicago Crusader. Besoek op 2012-06-26.

Eksterne skakels[wysig | wysig bron]

Kulturele poste
Voorafgegaan deur
Bernard Haitink
Musikale Direkteur, Glyndebourne Opera-fees
1988–2000
Opgevolg deur
Vladimir Jurowski
Voorafgegaan deur
Gennady Rozhdestvensky
Hoofdirigent, Koninklike Stockholm Filharmoniese Orkes
1995–1998 (met Paavo Järvi)
Opgevolg deur
Alan Gilbert
Voorafgegaan deur
Bruno Bartoletti
Musikale Direkteur, Liriese Opera van Chicago
2000–tans
Opgevolg deur
dienend