Richard Wagner

in Wikipedia, die vrye ensiklopedie
Spring na: navigasie, soek
Richard Wagner
Richard Wagner by Caesar Willich ca 1862.jpg
Richard Wagner in 1862
Geboortenaam Wilhelm Richard Wagner
Geboorte 22 Mei 1813
Leipzig, Sakse
Afsterwe 13 Februarie 1883
Venesië (Italië)
Beroep(e) Komponis, dirigent en essayis
Genre(s) Romantiek, moderne
Richard Wagner Signature.svg
Portal.svg Musiekportaal

Wilhelm Richard Wagner (22 Mei 1813 - 13 Februarie 1883) was 'n Duitse komponis, dirigent en essayis wat veral roem verwerf het vir sy operas, wat later bekend sou staan as musiekdramas. Wagner se komposisies, veral dié van sy latere periode, word gekenmerk deur hul komplekse tekstuur, ryke harmonisering en orkestrasie en die uitgebreide gebruik van leitmotifs: musikale temas was met individuele karakters, plekke, idees of storie-elemente vereenselwig word. Anders as die meeste operakomponiste het Wagner die musiek sowel as die liriek van elkeen van sy operas geskryf.

Sy aanvanklike reputasie was gegrond op werke soos Die Vlieënde Hollander en Tannhäuser in die romantiese tradisie van Weber en Meyerbeer, maar later omskep hy die opvatting van opera met sy konsep van die Gesamtkunstwerk (algehele kunswerk). Sodoende verkry hy 'n versmelting van al die poëtiese, visuele, musikale en dramatiese kunste, soos deur hom verkondig in 'n reeks essays van 1849 tot 1852. Wagner het dié benadering ten beste verwesenlik in die eerste helfte van sy vier-opera-siklus Der Ring des Nibelungen. Vir sy laaste werke, onder andere Die Meistersinger von Nürnberg, het hy weer meer tradisionele operavorms ingebring.