Andrologie

**Anatomie van die manlike geslagsorgane:**
1. Blaas, 2. Skaambeen, 3. Penis, 4. Swelliggaam, 5. Eikel, 6. Voorhuid, 7. Urinebuis, 8. Dikderm, 9. Rektum, 10. Saadblasie, 11. Saadleier, 12. Prostaat, 13. Cowper se klier, 14. Anus, 15. Saadleier, 16. Bytestis, 17. Testis, 18. Skrotum

Andrologie (van die Griekse ἀνδρός, andros, genitief van ἀνήρ, anēr, "man", en -λογία, -logia) is die naam van die mediese veld wat te doen het met manlike gesondheid, veral wat betref probleme met die manlike voortplantingstelsel en urologiese probleme eie aan mans. Dit is die teenoorgestelde van ginekologie, wat te doen het met vroulike gesondheid.

Proses[wysig | wysig bron]

Andrologie dek afwykings in die bindweefsel van die geslagsdele, sowel as veranderings in die volume selle, soos in genitale hipertrofie en makrogenitosomie.^[1]

Uit 'n voortplantings- en urologiese oogpunt sluit mediese en chirurgiese prosedures eie aan mans die volgende in: vasektomie, vasovasostomie ('n omkeringsproses), orchidopeksie (chirurgie aan die testikels), besnydenis, semenbewaring, semenontleding (vir vrugbaargeidsdoeleindes of ná 'n vasektomie), ens.

Geskiedenis[wysig | wysig bron]

Anders as met ginekologie, waarvoor talle mediese programme wêreldwyd bestaan, is daar geen vir andrologie nie. Dit word eers sedert die laat 1960's as 'n aparte spesialiteitsveld bestudeer. Die eerste spesialistydskrif oor die onderwerp was die Duitse tydskrif Andrologie (nou genoem Andrologia), wat van 1969 gepubliseer word.^[2]

Die volgende spesialistydskrif wat beide basiese en kliniese andrologie gedek het, was die International Journal of Andrology, wat in 1978 gestig is en in 1992 die amptelike tydskrif van die Europese Akademie vir Andrologie geword het. In 1980 het die Amerikaanse Andrologievereniging die Journal of Andrology van stapel gestuur. Dié twee tydskrifte het in 2012 saamgesmelt en die belangrikste tydskrif op die gebied, Andrology, geword. Die eerste uitgawe was in Januarie 2013.^[3]

Verwysings[wysig | wysig bron]

↑ Thelander, Hulda E., and Mollie Cholffin. "Neonatal cortical insufficiency (Addison's disease) associated with the adrenogenital syndrome." The Journal of Pediatrics 18.6 (1941): 779-792.
↑ Social Studies of Science (1990) 20, p. 32
↑ Meistrich ML & Huhtaniemi IT (2012). "'ANDROLOGY'– The New Journal of the American Society of Andrology and the European Academy of Andrology". International Journal of Andrology. 35 (2): 107–108. doi:10.1111/j.1365-2605.2012.01261.x. PMID 22413740.

Skakels[wysig | wysig bron]

Hierdie artikel is in sy geheel of gedeeltelik uit die Engelse Wikipedia vertaal.

[1] Thelander, Hulda E., and Mollie Cholffin. "Neonatal cortical insufficiency (Addison's disease) associated with the adrenogenital syndrome." The Journal of Pediatrics 18.6 (1941): 779-792.

[2] Social Studies of Science (1990) 20, p. 32

[3] Meistrich ML & Huhtaniemi IT (2012). "'ANDROLOGY'– The New Journal of the American Society of Andrology and the European Academy of Andrology". International Journal of Andrology. 35 (2): 107–108. doi:10.1111/j.1365-2605.2012.01261.x. PMID 22413740.

[1]

[2]

[3]