Anus

in Wikipedia, die vrye ensiklopedie
Spring na: navigasie, soek
Manlike anatomie.

In anatomie verwys anus (van die Latyn: ānus, "ring") na die eksterne opening van die rektum. Die sluiting word deur die sluitspier beheer. Die primêre funksie van die anus is om afvalstowwe tydens ontlasting uit die liggaam te skei. Die meeste lewende wesens, van sywurms tot olifante en mense, het 'n buisagtige derm, met 'n mond aan die een punt en 'n anus aan die ander.

Die anus speel ook 'n rol in seksualiteit, alhoewel kulturele, spirituele en persoonlike houdings teenoor anale seks verskil en dit selfs in sommige lande onwettig is. Die anus is ook 'n plek vir moontlike infeksies en ander aandoenings, insluitend kanker. Die anus word dikwels as 'n deel van die liggaam wat taboe is beskou, en staan ook onder 'n aantal slang-terme bekend, waarvan die meeste vulgêr is.