Annegret Kramp-Karrenbauer

in Wikipedia, die vrye ensiklopedie
Jump to navigation Jump to search
Annegret Kramp-Karrenbauer
Annegret Kramp-Karrenbauer

Minister van Verdediging
Ampsbekleër
Termynaanvang
17 Julie 2019
Voorafgegaan deur Ursula von der Leyen

Persoonlike besonderhede
Gebore 9 Augustus 1962 (1962-08-09) (57 jaar oud)
Völklingen, Saarland
Politieke party CDU

Annegret Kramp-Karrenbauer (Duitse uitspraak: [ˈʔanəɡʁeːt ˈkʁamp ˈkaʁənˌbaʊ̯ɐ]; gebore 9 Augustus 1962), soms na verwys volgens haar voorletters AKK,[1] is 'n Duitse politikus en sedert 2018 die leier van die Christelik Demokratiese Unie (CDU) in opvolging van Angela Merkel en sedert Julie 2019 ook minister van Verdediging. Sy dien voorheen as sekretaris-generaal van die party en as minister-president van Saarland van 2011 tot 2018[2] en word sodoende die eerste vrou om die Saarlandse regering te lei en die vierde vrou in Duitsland om 'n deelstaatsregering te lei. Kramp-Karrenbauer word as sosiaal konserwatief beskou, maar op die linkse vleuel van die CDU in terme van ekonomiese beleid, en is al as 'n sentris beskryf. Sy is 'n aktiewe Katoliek en het op die Sentrale Komitee van Duitse Katolieke gedien.

Politieke standpunte[wysig | wysig bron]

Buitelandse beleid[wysig | wysig bron]

Verbale aanval op Italië[wysig | wysig bron]

In Mei 2019 het Kramp-Karrenbauer in 'n onderhoud met Europese dagblaaie die Italiaanse regering aangeval en die regeringsparty Lega daarvan beskuldig dat dit 'n vyandelike beleid teenoor die Europese Unie sou steun. Italiaanse ekonomiese bande met Rusland en die Volksrepubliek China het sy as moontlike "sorgwekkende pogings" van dié twee lande beskryf om invloed op Italië se beleid uit te oefen.[3]

Die Italiaanse regering en ondernemings het belangstelling vir die Chinese projek van 'n nuwe Syroete getoon wat handelsbetrekinge tussen Europa en China sal verstewig, terwyl Rusland tradisioneel 'n belangrike afsetmark vir Italiaanse luukse produkte soos skoene en landbougoedere is.

Meningsvryheid[wysig | wysig bron]

In Mei 2019 sorg Kramp-Karrenbauer vir omstredenheid toe sy vir die inperking van meningsvryheid op die internet gevra het nadat haar party in 'n video op YouTube gekritiseer is.[4] Alhoewel die Duitse grondwet vryheid van spraak beskerm, meen Kramp-Karrenbauer dat menings tydens verkiesingsveldtogte gereguleer moet word.[4]

Verwysings[wysig | wysig bron]

  1. Angela Merkel Starts Grooming Successors, and One Stands Out, The New York Times.
  2. Saarland. "Ministerpräsident – Saarland.de". www.saarland.de.
  3. Die Welt, 17 Mei 2019: „Wir haben die Länder mit stark steigenden Flüchtlingszahlen alleine gelassen“ Besoek op 29 Mei 2019
  4. 4,0 4,1 Thomas Escritt, Paul Carrel (28 Mei 2019). Merkel heir faces widespread criticism after proposal to regulate online opinion. Reuters. URL besoek op 30 Mei 2019.