Anthony Pleeth

in Wikipedia, die vrye ensiklopedie
Jump to navigation Jump to search

Anthony Pleeth, gebore in 1948 in Londen, is 'n Engelse tjellis wat spesialiseer in die kuns van historiese uitvoeringspraktyke en histories-ingeligte uitvoerings van musiek vanuit die 18de en 19de eeue op outentieke - of periode-instrumente.[1]

Biografie en loopbaan[wysig | wysig bron]

Pleeth het tjello saam met sy vader, die bekende tjellis William Pleeth, by die Guildhall Musiek - en dramaskool studeer. Hy het in 1966 die Goue Medalje aldaar gewen.[2] Hy het sy eerste opname op 13-jarige ouderdom vir die BBC gemaak. Hy was 'n stigterslid van die Galliard-trio (saam met Trevor Pinnock, klavesimbel en Stephen Preston (fluit)), saam met wie hy vanaf 1965 tot die trio se ontbinding in 1972 gespeel het. Hy was die prinsipiële tjellis van Die Akademie van Antieke Musiek, en later van die The English Concert, wat hy in 1985 verlaat het. Hy het egter tot 1991 'n lid van die English Concert Chamber Group gebly. Sy opnames sluit die tjelloconcertos van Vivaldi met die English Concert en die Akademie van Antieke Musiek in. Hy het ook opgetree as die tjellosolis in baie orkesstukke en concerti grossi met die genoemde twee orkeste. Hy het die volledige tjellosonates deur Geminiani en Marcello (met Christopher Hogwood en Richard Webb) en Vivaldi (met Robert Woolley en Suki Towb); trio sonates deur Händel en Corelli; en kamermusiek deur J. C. Bach met die English Concert Chamber Group opgeneem. Hy het saam met die fortepianis Melvyn Tan Beethoven se volledige sonates en variasies vir tjello en klavier opgeneem. Sy musikale belangstelling is nie slegs beperk tot uitvoerings op outentieke - of periode-instrumente nie; hy speel ook moderne tjello; sy tjello-ensemble het die Bachianas Brasileiras 1 en 5 opgeneem. Hy was in 1969 aangestel as professor van tjello by die Guildhall Musiek - en Dramaskool, en in 1986 ook by die Koninklike Kollege van Musiek in dieselfde hoedanigheid. Behalwe vir klassiek musiek uitvoerings, was sy musiek ook reeds op baie rolprentklankbane te hore soos bv. We Were Soldiers deur Nick Glennie-Smith, Gladiator deur Hans Zimmer en Lisa Gerrard en Tron: Legacy deur Daft Punk.

Verwysings[wysig | wysig bron]

  1. Cummings, Robert. "Biografie: Anthony Pleeth". Besoek op 16 April 2010. Onbekende parameter |titel= geïgnoreer (|title= voorgestel) (help); Onbekende parameter |uitgewer= geïgnoreer (help)
  2. "Anthony Pleeth | Biografie & Geskiedenis | AllMusic". Besoek op 2017-01-05. Onbekende parameter |webwerf= geïgnoreer (help); Onbekende parameter |titel= geïgnoreer (|title= voorgestel) (help)