Antonio Banderas

in Wikipedia, die vrye ensiklopedie
Jump to navigation Jump to search
Antonio Banderas
Antonio Banderas in 2014
Antonio Banderas in 2014

Geboortenaam José Antonio Domínguez Banderas
Geboorte 10 Augustus 1960
Málaga
Nasionaliteit Spanje
Lewensmaat Ana Leza (tot 1996)
Melanie Griffith (tot 2015)
Kinders 1
Beroep(e) Akteur, sanger
Aktiewe jare 1982-nou
Internet-rolprentdatabasis-profiel

José Antonio Domínguez Banderas (1960-) is 'n Spaanse filmakteur[1] en sanger. Hy begin sy loopbaan as akteur in 'n reeks rolprente van die regisseur Pedro Almodóvar en verskyn daarna in 'n aantal hoë-profiel Hollywood-films, insluitend Ballistic: Ecks vs. Sever, Assassins, Interview with the Vampire, die Mariachi-reeks, Philadelphia, The Mask of Zorro en die Shrek-reeks.[2]

Lewensloop[wysig | wysig bron]

José Antonio Domínguez Banderas is op 10 Augustus 1960 in Málaga, Spanje gebore. Hy was 'n kranige sokkerspeler tot hy sy voet op 14 gebreek het. As jong man gaan hy sonder enige geld na Madrid om 'n loopbaan in die Spaanse filmindustrie te begin. Hy trek tussen 1982 en 1990 aandag met 'n reeks films onder leiding van regisseur Pedro Almodóvar.

Banderas skei van sy Spaanse vrou Ana Leza, en trou in 1996 met die Amerikaanse aktrise Melanie Griffith, wat hy tydens die opname van Two Much ontmoet het. Hulle het 'n dogter, Stella del Carmen Banderas Griffith (ook bekend as Stella Banderas), wat in die film Crazy in Alabama verskyn (Griffith speel ook in die fliek en Banderas het die regie behartig). Hulle vestig hulself in Hollywood, waar Banderas meestal die rol van Latino's speel. Op Saterdag 7 Junie 2014 kondig hulle aan dat hulle na 18 jaar van mekaar gaan skei.

Banderas is waarskynlik die beroemdste Spaanse akteur. Hy investeer sy filminkomste in ondernemings wat produkte van die Spaanse streek Andalusië op die mark bring. Hy het ook simpatie vir die Spaanse Sosialistiese Party getoon.

As hy Spaans praat, het hy 'n Andalusiese aksent, maar hy praat gewoonlik met 'n standaard Kastiliaanse aksent in sy rolle. Vir die film Desperado sing hy saam met Los Lobos die liedjie Cancion Del Mariachi.

Filmografie (seleksie)[wysig | wysig bron]

  • The SpongeBob Movie: Sponge Out of Water (2015)
  • Autómata (2014)
  • The Expendables 3 (2014)
  • Ruby Sparks (2012) – Mort
  • Black Gold (2011)
  • Haywire (2011) – Rodrigo
  • Puss in Boots (2011) (stem)
  • La piel que habito (2011) – Dr. Robert Ledgard
  • Shrek Forever After (2010) (stem) – Puss in Boots
  • Thick as thieves (the code) (2009) – Antonio Banderas
  • The Other Man (2008) – rafe
  • My Mom's New Boyfriend (2008) – Tommy
  • Take The Lead (2006) – Pierre Dulaine
  • Shrek 3 (2007) (stem) – Puss in Boots
  • Bordertown (2006) – Díaz
  • The Legend of Zorro (2005) – Don Alejandro de la Vega/Zorro
  • Shrek 2 (2004) (stem) – Puss in Boots
  • And Starring Pancho Villa as Himself (2003) – Pancho Villa
  • Ballistic: Ecks vs Sever (2003) – Agent Jeremiah Ecks
  • Imagining Argentina (2003) – Carlos Rueda
  • Once Upon a Time in Mexico (2003) – El Mariachi
  • Spy Kids 3-D: Game Over (2003) – Gregorio Cortez
  • Frida (2002) – David Alfaro Siqueiros
  • Spy Kids 2: Island Of Lost Dreams (2002) – Gregorio Cortez
  • Femme Fatale (2002) – Nicolas Bardo
  • Original Sin (2001) – Louis Vargas
  • The Body (2001) – Father Matt Gutiérrez
  • Spy Kids (2001) – Gregorio Cortez
  • The 13th Warrior (1999) – Ahmad ibn Fadlan ibn al-Abbas ibn Rashid ibn Hamad
  • Play it to the Bone (1999) – César Domínguez
  • The Mask of Zorro (1998) – Alejandro Murrieta/Zorro
  • Evita (1996) – Che
  • Four Rooms (1995) – Man
  • Never talk to strangers (1995) – Tony Ramirez
  • Miami Rhapsody (1995) – Antonio
  • Assassins (1995) – Miguel Bain
  • Desperado (1995) – El Mariachi
  • Interview with the Vampire: The Vampire Chronicles (1994) – Armand
  • Philadelphia (1993) – Miguel Álvarez
  • The House of the Spirits (1993) – Pedro Tercero García
  • The Mambo Kings (1992) – Néstor Castillo
  • ¡Átame! (Tie Me Up! Tie Me Down!) (1990) – Ricky
  • Mujeres al borde de un ataque de nervios (1988) – Carlos
  • Matador (1986) – Ángel
  • Laberinto de pasiones (1982) – Sadec

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Antonio Banderas Biography”. TV Guide. URL besoek op 15 Januarie 2013.