Armeense Sosialistiese Sowjetrepubliek

in Wikipedia, die vrye ensiklopedie
Spring na: navigasie, soek
Armeense Sosialistiese Sowjetrepubliek
Армянская Советская Социалистическая Республика
Vlag van Armeense SSR Wapen van Armeense SSR
Vlag Wapen
Volkslied: Internasionale Volkslied van die Sowjetunie
Ligging van Armeense SSR
Hoofstad Jerewan
Grootste stad Jerewan
Amptelike tale Russies, Armeens
Regering
Sosialisties
Onafhanklikheid
Bestaan
Van
Tot


29 November 1920
12 Desember 1991
Oppervlakte
 - Totaal
 
 - Water (%)
 
29 800 km2  (15de in USSR)
Bevolking
 - 1989-skatting
 - Digtheid
 
3 287 700 (13de in USSR)
110,3 / km2
Geldeenheid roebel (RUB)
Tydsone
 - Somertyd
+4 (UTC)
+4 (UTC)
Internet-TLD .su
Skakelkode +

Die Armeense Sosialistiese Sowjetrepubliek (Armeens: Հայկական ՍովետականՍոցիալիստական Հանրապետություն, Haikakan Sowetakan Sotsialistakan Hanrapetoetjoen; Russies: Армянская Советская Социалистическая Республика, Armjanskaja Sowjetskaja Sotsialistitsjeskaja Respoeblika), ook bekend as die Armeense SSR, was die kleinste en - met sowat 90 persent Armeniërs in 1987 - etnies mees homogene van die republieke van die Sowjetunie.[1] Dit het ontstaan toe die Kommunistiese Party van Armenië op 29 November 1920 beheer oor die land oorgeneem het. Later is die naam verander na die Armeense Sosialistiese Sowjetrepubliek.

Van 1828 tot met die Oktoberrewolusie in 1917 was Armenië deel van die destydse Russiese Ryk. Onder Sowjet-beheer is dit van ’n groot landbouland omskep in ’n belangrike nywerheidsentrum. Op 23 Augustus 1990 is dit hernoem tot die Republiek van Armenië, maar dit het deel van die Sowjetunie gebly tot met dié se verbrokkeling in 1991.

Naas sy etniese homogeniteit, wat ná die vlug van die meeste etniese Azerbeidjanners tussen 1988 en 1990 nog toegeneem het, het die Armeense SSR nog in twee belangrike opsigte van ander Sowjetrepublieke verskil. Kenmerkend was enersyds die hoë vlak van opleiding, wat ook in die Stalinistiese tydperk met sy suiwerings steeds gehandhaaf is, en die buite-proporsionele persentasie van Armeense geleerdes in die Sowjet-wetenskap, terwyl Armeniërs andersyds ook steeds noue bande met die Armeense diaspora in die buiteland gehandhaaf het sodat 'n bestendige toevloei van westerse literatuur en gedagtes van die Armeense SSR die mees kosmopolitiese en westers-gesinde Sowjetrepubliek gemaak het.[2]

Verwysings[wysig]

  1. Erhard Stölting: Eine Weltmacht zerbricht. Nationalitäten und Religionen in der UdSSR. 3de hersiene uitgawe. Frankfurt am Main: Eichborn 1991, bl. 239
  2. Stölting (1991), bl. 254-255


Republieke van die Sowjetunie

Armeense Sosialistiese SowjetrepubliekAzerbeidjanse Sosialistiese SowjetrepubliekEstniese Sosialistiese SowjetrepubliekGeorgiese Sosialistiese SowjetrepubliekKazachstanse Sosialistiese SowjetrepubliekKirgisiese Sosialistiese SowjetrepubliekLettiese Sosialistiese SowjetrepubliekLitause Sosialistiese SowjetrepubliekMoldawiese Sosialistiese SowjetrepubliekOekraïnse Sosialistiese SowjetrepubliekOezbekistanse Sosialistiese SowjetrepubliekRussiese Sosialistiese Federale SowjetrepubliekTadjikistanse Sosialistiese SowjetrepubliekTurkmeense Sosialistiese SowjetrepubliekWit-Russiese Sosialistiese Sowjetrepubliek