Ascomycota

in Wikipedia, die vrye ensiklopedie
Jump to navigation Jump to search

Ascomycota
Scarlet elf cap cadnant dingle.jpg
Sarcoscypha coccinea
Wetenskaplike klassifikasie e
Domein: Eukaryota
Koninkryk: Fungi
Subkoninkryk: Dikarya
Divisie: Ascomycota
(Berk.) Caval.-Sm. (1998)[1]
Subfilums
Pezizomycotina
Saccharomycotina
Taphrinomycotina

Die ascomycota is 'n filum binne die koninkryk swamme met ongeveer 32 000 lewende spesies. Dit is die grootste groep binne die swamkoninkryk.[2] Lede van die filum ascomycota staan bekend as askomisete. Hierdie filum omvang alle morieljes (eetbare sampioene) en knolswamme (truffels).[2] Die oorgrote meerderheid korsmosse (ligene), wat vorm weens die interaksie tussen ʼn swamorganisme en 'n fotosintetiserende organisme (soos alge of sianobakterieë), is ook askomisete.[2]

Die basidiomisete, tesame met askomisete, vorm die subkoninkryk dikaria binne die koninkryk fungi.[3] Daar word dikwels na die basidiomisete en askomisete as die “hoër fungi” verwys.[3]

Askomisete is swamme waarvan die filamente verdeel is deur sellulêre tussenwande wat septa genoem word.[4] Hierdie fungi produseer seksuele spore wat bekend staan as askospore wat in sakvormige strukture (aski’s) gevorm word.[4] Askomisete vorm ook aseksuele spore, wat as konidia bekend staan.[4] Daar is wel sommige spesies van asomycota wat aseksueel is en nie aski’s of askospore vorm nie.[4] ʼn Algemene naam vir askomisete is sakswamme.

Klassifikasie[wysig | wysig bron]

Die voorkoms van seksuele en aseksuele askomisete het in die verlede tot verwarring en selfs die skepping van ʼn tussenfilum, onperfekte swamme (deuteromycota) gelei.[5] In 2017 is baie van die onsekerheid uit die weg geruim deur ʼn herindeling van die klasse askomisete.[5] Tans word drie subfilums askomisete erken: pezizomycotina (13 klasse), saccharomycotina (een klas) en taphrinomycotina (vyf klasse).[5]

Verwysings[wysig | wysig bron]

  1. Cavalier-Smith, T. (1998). "A revised six-kingdom system of Life". Biological Reviews of the Cambridge Philosophical Society. 73 (3): 203–266. doi:10.1111/j.1469-185X.1998.tb00030.x. PMID 9809012. S2CID 6557779.
  2. 2,0 2,1 2,2 https://ascomycete.org/Ascomycota
  3. 3,0 3,1 https://www.longdom.org/open-access/classification-of-basidiomycota.pdf
  4. 4,0 4,1 4,2 4,3 https://www.sciencedirect.com/topics/pharmacology-toxicology-and-pharmaceutical-science/ascomycetes#:~:text=Ascomycota%20are%20septate%20fungi%20with,not%20form%20asci%20or%20ascospores.
  5. 5,0 5,1 5,2 Wijayawardene, N.N. et al. 2017. Outline of Ascomycota: 2017. Fungal Diversity, 88(2). Beskikbaar by: https://www.researchgate.net/publication/322779366_Outline_of_Ascomycota_2017