Augustin Louis Cauchy

in Wikipedia, die vrye ensiklopedie
Spring na: navigasie, soek
Augustin-Louis Cauchy
Augustin-Louis Cauchy 1901.jpg
Augustin-Louis Cauchy omtrent 1840

Gebore (1789-08-21)21 Augustus 1789
Parys, Frankryk
Oorlede 23 Mei 1857 (op 67)
Sceaux, Frankryk
Burgerskap Frankryk
Nasionaliteit Vlag van Frankryk Frankryk
Vakgebied Wiskunde
Instelling(s) École Centrale du Panthéon, École Nationale des Ponts et Chaussées, École polytechnique
Alma mater École Nationale des Ponts et Chaussées
Doktorale student(e) Francesco Faà di Bruno
Viktor Bunyakovsky
Signature d'Augustin Louis Cauchy.svg

Baron Augustin Louis Cauchy (Parys, 21 Augustus 1789 – Sceaux, 23 Mei 1857) was 'n invloedryke Franse wiskundige, en is een van die mees gepubliseerdes, met meer as 800 publikasies agter sy naam. Daar word soms gesê dat daar meer wiskundige stellings na Cauchy vernoem is as na enigiemand anders. Hy was veral daarin geinteresseer om analise op 'n formele basis te plaas en het enorme bydraes tot komplekse analise asook permutasiegroepe in abstrakte algebra gemaak.

Cauchy was sterk katoliekgesind en 'n aanhanger van die Franse Bourbon dinastie. Hierdie standpunte is deur slegs 'n minderheid van sy eweknieë in die Franse akademiese wêreld gedeel. Vanaf die Julierewolusie in 1830 het dit hom dan ook meer en meer in konflik met die regering en baie van sy kolegas en studente gebring. Hy verlaat die land en verloor sy pos as professor by die gesogte École Polytechnique nadat hy weier om 'n eed van getrouheid aan die nuwe regering af le lê. Hy keer eers weer in 1838 terug Frankryk toe.

Eksterne skakels[wysig | wysig bron]