Aussenkehr

in Wikipedia, die vrye ensiklopedie
Jump to navigation Jump to search
Aussenkehr
Hutte van plaaswerkers wat uitkyk oor die reuse wynvelde van Aussenkehr.
Hutte van plaaswerkers wat uitkyk oor die reuse wynvelde van Aussenkehr.
Aussenkehr is in Namibia
Aussenkehr
Aussenkehr
Koördinate: 28°21′00″S 17°24′00″O / 28.35000°S 17.40000°O / -28.35000; 17.40000Koördinate: 28°21′00″S 17°24′00″O / 28.35000°S 17.40000°O / -28.35000; 17.40000
LandVlag van Namibië Namibië
StreekǁKaras
KiesafdelingKarasburg
Stigting1988
TydsoneUTC+2 (SAST)

Aussenkehr is 'n nedersetting en historiese plaas aan die Oranjerivier in Namibië.

Ligging[wysig | wysig bron]

Die plaas en dorpie is besonder afgeleë. Dit is 160 km van Karasburg in die ǁKaras-streek, 120 km suidwes van Grünau, 45 km stroomaf van Noordoewer en Vioolsdrif en aan die suidelike eindpunt van die C37-pad. Aan die westekant grens dit aan die Ai-Ais-oorgrenspark en dit het 'n 15 km lange suidgrens aan die Oranjerivier. In 'n reguit lyn is die mond van die rivier 'n 100 km ver.

Klimaat[wysig | wysig bron]

Die area kry minder as 50 mm reën per jaar en die temperatuur in die riviervallei op 95 m bo seevlak styg soms tot byna 50°C.

Plaas[wysig | wysig bron]

Die Norotshama River Resort

Sedert 1988 word hier op 3000 ha besproeiingsgrond op groot skaal tafeldruiwe verbou. Weens die besondere klimaatstoestande is die druiwe hier enkele weke vroeër ryp as by soortgelyke plase. Dit gee hierdie plaas 'n besondere markvoordeel. In 2003 het dit 'n 12000 ton druiwe gelewer. Ook word met mangoes, dadels, lemoene en lusern geboer. Die Norotshama River Resort is op die plaas geleë as toerisme-onderneming.

Dorp[wysig | wysig bron]

In 2003 het die eienaar van die plaas 644 ha vir dorpstigting beskikbaar gestel. Die dorp het 'n vlottende bevolking omdat dit ook vir seisoensarbeiders voorsiening maak. Daar is 'n kliniek, 'n skool, 'n winkel en ander beperkte geriewe.

Geskiedenis[wysig | wysig bron]

By Aussenkehr was die eerste besproeiingskema noord an die Oranjerivier. In die 1880’s het twee broers Petersen 'n 100 000 ha vrugbare grond met 'n 50 km riviergrens van 'n Khoikhoi-hoofman verkry. Die roete na hul plaas was per ossewa vanaf Port Nolloth oor die Richtersveld na die rivier en van daar af per vlot na hul plaas. Hier boer hul toe met katoen, vrugte en groente en bemark hul produkte in Port Nolloth. Die afstand na hul afsetgebied het die projek gekelder. In 1905 verkry die Ausenkjer Land- und Minengesellschaft mynregte op die gebied. Hiervan het niks gekom nie. Enkele jare daarna het 'n ander firma probeer om met die verbouing van katoen en koring onder besproeiing 'n bestaan te maak.

Bibliografie[wysig | wysig bron]

  • Green, Lawrence G.: Lords of the last frontier – the story of South West Africa and its people of all races. Kaapstad: Howard B. Timmins, 1952.
  • tracks4africa.co.za

Eksterne skakels[wysig | wysig bron]