Avranches

in Wikipedia, die vrye ensiklopedie
Jump to navigation Jump to search
Avranches
Die katedraal Notre-Dame-des-Champs
Die katedraal Notre-Dame-des-Champs
Wapen van Avranches
Wapen
Ligging van Avranches op 'n kaart (Frankryk)
Avranches
Avranches
Koördinate: 48°41′06″N 1°21′20″W / 48.68500°N 1.35556°W / 48.68500; -1.35556Koördinate: 48°41′06″N 1°21′20″W / 48.68500°N 1.35556°W / 48.68500; -1.35556
Land Vlag van Frankryk Frankryk
Gewes Blason duche fr Normandie.svg Basse-Normandie
Département Blason département fr Manche.svg Manche
Arrondissement Avranches
Kanton Avranches
Regering
 - Burgemeester Guénhaël Huet
Oppervlak
 - Dorp 4,5 km²  (1,7 vk m)
Hoogte 7–108 m (23–354 vt)
Bevolking (2009)
 - Dorp 8 090
 - Digtheid 1 798/km² (4 656,8/myl2)
 - Metropolitaans 18 671
Poskode 50300
Skakelkode(s) 50025
Webwerf: ville-avranches.fr

Avranches is 'n stad in die Franse département Manche, in die administratiewe gewes Basse-Normandie (Neder-Normandië) met 8 090 inwoners.

Geografie[wysig | wysig bron]

Avranches lê in die suidelike deel van die skiereiland Cotentin langs die Europese grootpad E401 wat Saint-Lô met Bretagne verbind. Vanuit die stad kan 'n mens die Mont-Saint-Michel sien. Die abdy op hierdie eilandberg is in die 8ste eeu deur St. Aubert, 'n biskop van Avranches, gestig.

Geskiedenis[wysig | wysig bron]

Die Jardin des plantes (Plantetuin)

Die Abrincates, 'n Keltiese stam, het hulle omtrent 900 v.C. in die gebied gevestig. Die nedersetting, wat in die Gallies-Romeinse tydperk aanvanklik as Legedia bekend gestaan het, het sy naam ná die 3de eeu na Avranches verander waarby, net soos in die geval van baie ander Galliese nedersettings, die plaaslike bevolking, vir wie dit as hoofstad gedien het, as naamgewer gedien het. In hierdie tyd het ook die ou Keltiese godsdiens herleef. Skulpture en inskripsies uit die laat-Romeinse periode, wat aan die ou Galliese godhede gewy is, word as verdere bewyse vir die herlewing van die Gallies-Keltiese kultuur beskou.

Die Engelse koning Hendrik II het hier op 21 Mei 1172 in Avranches boete gedoen vir die moord op die aartsbiskop van Kantelberg (Canterbury), Thomas Becket (1118-1170), en die sogenaamde "Ooreenkoms van Avranches" met die kerk gesluit.

Nadat Normandië reeds in 1204 weer by Frankryk ingesluit is, het die Franse koning Lodewyk IX Avranches later tot 'n koninklike stad verhef. Die "Bonne Ville" was een van Lodewyk IX se gunsteling-verblyfplekke en is derhalwe met 'n stadsmuur versterk.[1]

Met die begin van die Geallieerde landing in Normandië is Avranches op 6 Junie 1944 deur bomaanvalle verwoes. Die bombardement het talle menselewens geëis. Sewe weke later het generaal George S. Patton daarin geslaag om deur die vyandelike linies naby Avranches te breek.

Verwysings[wysig | wysig bron]

Eksterne skakels[wysig | wysig bron]