Babe Ruth

in Wikipedia, die vrye ensiklopedie
Spring na: navigasie, soek
Babe Ruth
Babe Ruth cropped.jpg
Doopnaam: George Herman Ruth, Jr.
Geboorte 6 Februarie 1895; Baltimore, Maryland, VSA
Afsterwe: 16 Augustus 1948; New York, New York
Tydperk aktief: 1914 - 1935

Babe Ruth (1895 – 1948) was 'n Amerikaanse Hoofliga bofbalspeler van 1914 tot 1935. Ruth is een van die grootste sporthelde in Amerikaanse kultuur[1] en een van die grootste legendes in die geskiedenis van bofbal. Verskeie meningspeilings en ranglyste het hom al as die beste bofbalspeler ooit benoem[2] en sy hoeveelheid boflopies en charismatiese persoonlikheid het hom 'n bekende figuur van die twintigerjare gemaak. [3] Hy was die eerste persoon wat 60 boflopies in een seisoen (1927) geslaan het, 'n rekord wat vir 34 jaar gestaan het, voor dit deur Roger Maris in 1961 gebreek is. 'n Ander rekord was die 714 boflopies wat Ruth gedurende sy hele loopbaan geslaan het - dié is eers in 1974 deur Hank Aaron gebreek.

In 1936 was Ruth een van die eerste vyf spelers wat in die Nasionale Bofbal Eregalery opgeneem is. Die spel se gewildheid het in die 20's ook aansienlik toegeneem, danksy Ruth. Hy was bekend vir sy liefdadigheidswerk, asook sy dikwels roekelose leefstyl. Alhoewel hy meer as 60 jaar gelede oorlede is, is sy naam steeds een van die bekendste in Amerikaanse sport.

Verwysings[wysig]

Commons-logo.svg
Wikimedia Commons het meer media verwant aan:
Babe Ruth (kategorie)
  1. Babe Ruth – MSN Encarta”. MSN.com. URL besoek op 2008-10-22.
  2. Famous Baseball Players”. buzzle.com. URL besoek op 2008-10-22.
  3. Baseball Sport – Babe Ruth”. Baseballsport.com. URL besoek op 2008-10-22.