Bofbal

Piktogram wat Bofbal aandui

Die stadion van die Yankees

Bofbal (Engels: baseball) is 'n span- en balsport wat veral gewild is in die Verenigde State, Meksiko, die Karibiese gebiede en in groot dele van Asië. Bofbal word ook soms America's Favorite Pastime genoem.

Bofbal het ontstaan uit volksbalspele wat Engelse koloniste in die 17de en 18de eeu na Noord-Amerika gebring het. Hierdie ingevoerde balspele was moontlik afgelei van krieket. Sagtebal is later weer van bofbal afgelei. Bofbal is een van die mees-beoefende sporte ter wêreld.

In die VSA is bofbal die belangrikste sport in die somermaande. Teen die einde van September word die seisoen afgesluit met die wêreldreeks. Na die bofbalseisoen word Amerikaanse voetbal en basketbal, en in 'n mindere mate yshokkie, die belangrikste sportsoorte.

Reëls: Die spel word gespeel deur twee spanne bestaande uit nege spelers elk, Die spel duur nege beurte. In elke beurt speel elk span 'n slagbeurt om punte te maak. As die verdedigers (dié op die veld speel) drie keer 'n "out" maak. dan wissel die spanne van posisie. Sentraal in hierdie speletjie draai om die pitcher en die batter of slagman. Die pitcher moet die bal gooi in 'n denkbeeldig raam. Dié raam sit direk bo die homeplate of tuisplaat. As die pitcher die bal oor die plaat gooi en die hoogte van die bal is tussen bors en knieë, dan roep die skeidsregter "strike". By drie strikes wissel die spanne van posisie. Maar dis nie die bedoeling van die slagspan nie. Immers, net as slagspan kan jy punte maak. Jy maak 'n punt as jy die vier "bases" of honke rondgeloop het sonder dat jy uitgetik raak. Jy kan nie uitgetik word as jy vas op die honk staan nie. Daar is dus vier honke. Maar hoe kom jy op die eerste honk? Deur die bal weg te slaan. Die verdedigende span sal probeer die geslaande bal te keer en na die eerste honk te gooi. As die bal daar eerder is as die slagman dan is dat 'n "out". Die pitcher doen sy beste dat jy as batter nie die bal kan raak nie.

'n Bofbalgooier in aksie.

Eksterne skakels

• (en) Amptelike webwerf van die Internasionale Bofbalfederasie (IBAF)