Rooibobbejaantjie

Rooibobbejaantjie
Blomme aan 'n rooibobbejaantjie
Bewaringstatus
Byna bedreig (IUCN 3.1)
Wetenskaplike klassifikasie
Koninkryk:	Plantae
Divisie:	Magnoliophyta
Klas:	Liliopsida
Orde:	Asparagales
Familie:	Iridaceae
Subfamilie:	Crocoideae
Tribus:	Ixieae
Genus:	Babiana
Spesie:	B. villosa
Binomiale naam
Babiana villosa (Aiton) Ker Gawl., (1802)

Die rooibobbejaantjie (Babiana villosa (Aiton) Ker Gawl.) is 'n geofiet wat endemies aan Suid-Afrika is.

Habitat

Dit kom veral in fragmente van die renosterveld voor, wat nog oorbly vanaf Malmesbury tot Wellington en die Tulbaghvallei. Dit groei op skalierenosterveld in die vlakte, op heuwels en op lae berghellings. Sy voorkoms is aan die afneem en 80% van sy oorspronklike verspreidingsgebied het reeds verlore geraak. Op die SANBI-rooilys is dit as amper bedreig (NT) gelys.

Kenmerke

Hierdie plantjie groei in die winterreëntyd tot 20 cm hoog en het 5-6 lansvormige en gevoude blare wat met kort sagte hare bedek is en soos 'n waaier gerangskik is. Die blomme is skouspelagtig rooi of pienk. Die vrug is 'n droë kapsule wat oopsplits en talle donkerbruin, hoekige saadjies versprei. Dit het 'n ondergrondse knol wat in die droë somermaande afsterf, om in die wintertyd opnuut vanuit die knol groei.

Fotogalery

• 
• 
•