Renosterveld

in Wikipedia, die vrye ensiklopedie
Jump to navigation Jump to search
Die oorspronklike (Overberg)renosterveld[1]

Die renosterveld is oorspronklik 'n streek in die Overberggebied van die Kaapkolonie wat 'n kenmerkende flora en fauna gehad het. Teenswoordig word die term ook gebruik om hierdie tipe plantegroei in 'n ander deel van Suid-Afrika aan te gee, nl. die Swartland.[1]

Renosterveld maak deel uit van die Kaapse floraryk, saam met bergfynbos, wat arm aan voedingstowwe is en strandveld wat alkaliese grond het wat ryk aan voedingstowwe is. 'n Belangrike verskil met fynbos is dat in renosterveld die restio's, die Protea's en die heideagtiges, wat oorheersende elemente van fynbos is, ontbreek. Pleks daarvan het dit baie grasse soos Themeda en Cymbopogon, struike uit die Asteraceae en die grootste verskeidenheid geofiete (veral bolgewasse) in die wêreld. Renosterveld groei op vrugbare grond en hiervan het minder as 5% oorgebly. Die res is omgeploeg vir landbougrond, en al wat oorgebly het, is klein, geïsoleerde stukkies, soos klipperige koppies, wat nie geskik was vir ploeg nie. Talle groot elemente van hierdie lewensgemeenskap het deur die versnippering uit die streek verdwyn, soos die swartrenoster en die tierboskat, of het uitgesterf, soos die kwagga en die bloubok.[1] Natuurbewaarders is ook besorg wat die gevolge van die versnippering vir die genetiese verskeidenheid van die endemiese plantespesies is. Navorsing aan die bloubaardbekkie, 'n eenjarige endemiese plant, het nogtans min negatiewe uitwerking getoon.[2]

Overberg[wysig | wysig bron]

In 2013 het die WWF die Haarwegskloofplaas gekoop. Dit omvat die grootste stuk renosterveld wat steeds bestaan (500 ha). Dit is noord van die De Hoop-natuurreservaat geleë en daar is planne om die twee met mekaar te verbind.[3]

Swartland[wysig | wysig bron]

De renosterveldplantegroei van die Swartland.[4]

'n Ander gebied met renosterveldplantegroei is die skalie van die Swartland. Daar word drie soorte renosterveld aangetref:

  • Swartberg-skalierenosterveld (bruin)
  • Swartberg-granietrenosterveld (wit)
  • Swartberg-silkreetrenosterveld (rooi)

Tipes renosterveld[wysig | wysig bron]

Renosterveld kan onderkei word na wes (Swartland) en suid (Overberg) maar ook na die hoogte waarop dit groei: kusrenosterveld en bergrenosterveld. Bergrenosterveld het meer sukkulente as kusrenosterveld en die weste het meer fynbosinvloede, minder grasse en 'n groter verskeidenheid aan eenjarige plante en bolgewasse. Die suide kry meer reën en het meer grasse. Daar is ook groter verskille na gelang van die hoogte.[5]

Die WWF deel die kus- en bergrenosterveld by twee verskillende ekostreke in: die kusfynbos en -renosterveld en die bergfynbos en -renosterveld.

Verwysings[wysig | wysig bron]

  1. 1,0 1,1 1,2 Die Overberg se rûens Renosterveld.
  2. Low impact of fragmentation on genetic variation within and between remnant populations of the typical renosterveld species Nemesia barbata in South Africa Steffen Heelemann et al. Biochemical Systematics and Ecology, 54, 2014 bls. 59-64
  3. Haarwegskloof.
  4. BA Walton Vegetation Patterns and Dynamics of Renosterveld at Agter-Groeneberg, proefskrif: Stellenbosch Universiteit, 2006
  5. boskloof.co.za.