Batman

in Wikipedia, die vrye ensiklopedie
Spring na: navigasie, soek
Batman
'n Man wat soos Batman aangetrek is.
'n Man wat soos Batman aangetrek is.

Skepping
Eerste verskyning Detective Comics #27 (Mei 1939)
Geskep deur Bill Finger[1] (ontwikkelaar)
Bob Kane (konsep)
Inligting
Ander name Bruce Wayne
Byname Matches Malone[2]
Lefty Knox[3]
Spesie Mens
Geslag Manlik
Beroep Sakeman
Ander familie Thomas en Martha Wayne (ouers)
Nasionaliteit Vlag van Verenigde State van Amerika Verenigde State

Batman is 'n fiktiewe superheld in strokiesprente, flieks en TV-programme wat (as 'n vigilante) veral psigopatiese misdadigers takel en gewone mense beskerm. Batman se vreesaanjaende mondering, met swart mantel en masker met gepunte ore, herinner aan 'n reusevlermuis. Soms staan ’n helper met die naam Robin hom by.[4]

In die storie woon Batman in die fiktiewe stad Gotham City. Sonder sy kostuum is hy die ryk sakeman Bruce Wayne. Sy Batmobile is 'n blitsvinnige motor waarin slim toerusting versteek is, waarin hy uit enige penarie kan ontsnap.

Batman is in 1939 deur Bob Kane en Bill Finger vir DC Comics geskep. Dit is aanvanklik as 'n strokiesverhaal gepubliseer, maar is later vir talle boeke, rolprente en TV-programme verwerk. Dit word ook as tema vir speelgoed gebruik.

Ontstaan[wysig | wysig bron]

Die Batmobile

In 1938, ná die sukses van Superman, het die vraag na superhelde vir strokiesprente gegroei. Die tekenaar Bob Kane het sy idee vir "The Bat-Man" aan skrywer Bill Finger oorgelê, wat die storie verder aangevul het. In Mei 1939 verskyn Batman vir die eerste keer in die sewe-en-twintigste uitgawe van Detective Comics, 'n geheimsinnige wreker van onreg, wat nie deur geweld afgeskrik word nie.

Batman se gewildheid het vinnig gegroei en in 1940 word dit in 'n aparte reeks ontwikkel (met The Joker en Catwoman reeds in die eerste storie), terwyl dit steeds die "Detective Comics"-reeks oorheers het. Vroeër daardie jaar het sy makker, Robin, sy intrede gemaak, sodat Batman iemand sou hê aan wie hy sy bevindinge kon verduidelik (vergelyk Sherlock Holmes en dr. Watson). Spoedig daarna is besluit dat Batman nie meer vuurwapens sou gebruik nie en ook nie meer moord sou pleeg nie.

Verwysings[wysig | wysig bron]

  1. Goulart, Ron, Comic Book Encyclopedia (Harper Entertainment, New York, 2004) ISBN 978-0-06-053816-3
  2. Batman #242 (Junie 1972)
  3. Detective Comics #846 (September 2008)
  4. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]