Benazir Bhutto

in Wikipedia, die vrye ensiklopedie
Spring na: navigasie, soek
Benazir Bhutto
Benazir Bhutto

11de Premier van Pakistan
Ampstermyn
2 Desember 1988 – 6 Augustus 1990
President Ghulam Ishaq Khan
Voorafgegaan deur Muhammad Khan Junejo
Opgevolg deur Ghulam Mustafa Jatoi

13de Premier van Pakistan
Ampstermyn
19 Oktober 1993 – 5 November 1996
President Wasim Sajjad
Farooq Leghari
Voorafgegaan deur Moeenuddin Ahmad Qureshi
Opgevolg deur Malik Meraj Khalid

Persoonlike besonderhede
Geboorte (1953-06-21)21 Junie 1953
Karatsji, Pakistan
Sterfte 22 Desember 2007 (op 54)
Rawalpindi, Pakistan
Politieke party Pakistan People's Party
Eggenoot/eggenote Asif Ali Zardari (1987–2007)
Religie Islam
Handtekening Benazir Bhutto Signature.svg

Benazir Bhutto (1953–2007) was die leier van die Volksparty (People’s Party) in Pakistan, wat deur haar pa, Zulfikar Ali Bhutto, gestig is. Sy was twee keer die premier van Pakistan, asook die eerste vrou wat verkies is om 'n Moslem-staat te lei.[1]

Beknopte biografie[wysig | wysig bron]

Benazir Bhutto is op 21 Junie 1953 in Karatsji in Pakistan gebore. Sy was die oudste dogter van Zulfiqar Ali Bhutto en Nusrat Bhutto (née Ispahani). Haar pa was in die 1970's die premier van Pakistan, maar is in 1977 ná 'n militêre staatsgreep gehang. Sy is aan Harvard en Oxford onderrig. Terwyl sy nog onder huisarres was, was sy en haar ma by 'n beweging vir Pakistan se herstel na demokrasie betrokke.

Bhutto het in 1988 na Pakistan teruggekeer en is in dieselfde jaar tot premier verkies. Sy is 20 maande later in opdrag van die destydse pres. Ghulam Ishaq Khan uit die amp onthef, omdat sy glo korrup was.

In 1993 is Bhutto vir ’n tweede termyn herkies. In 1996 is sy deur pres. Farooq Leghari gedwing om haar pos te ontruim en in ballingskap te gaan woon, omdat sommige mense geglo het dat sy regeringsgeld op oneerlike wyse gebruik het.

Sy keer in 2007 na Pakistan terug en het probeer om vir 'n derde keer premier te word. Sy is egter op 27 Desember 2007 in ’n bomaanval tydens dié veldtog gedood.[2] Tydens die aanval het 'n sluipmoordenaar haar in die nek en bors geskiet, waarna hy 'n plofbare baaitjie afgesit het. Ongeveer 30 mense het in die voorval omgekom.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Benazir Bhutto assassinated". CNN. 2007-12-27. Verkry op 2007-12-27. 

Eksterne skakels[wysig | wysig bron]