19 Oktober

19 Oktober is die 292ste dag van die jaar in die Gregoriaanse kalender (293ste in skrikkeljare). Daar volg nog 73 dae in die res van die jaar.

Gebeure

Hannibal

Lord Charles Cornwallis

• 202 v.C. – Die Carthaagse generaal Hannibal word deur prokonsul Scipio Africanus van die Romeinse Republiek verslaan in die Slag van Zama, wat 'n einde bring aan die Tweede Puniese Oorlog.
• 615 – Pous Deusdedit volg Pous Bonifatius IV op.
• 1453 – Die Honderdjarige Oorlog kom in praktyk tot 'n einde met die verowering van Bordeaux deur die Franse van die Engelse, waarna die Engelse slegs Calais op die Franse vasteland behou.
• 1469 – Ferdinand II van Aragon trou met Isabella van Kastilië wat die weg baan vir die vereniging van Aragon en Kastilië in een land, Spanje.
• 1781 – Ná die nederlaag by die Slag van Yorktown, gee Britse magte onder Lord Charles Cornwallis amptelik oor; 'n einde word gebring aan die Amerikaanse Rewolusionêre Oorlog.
• 1943 – Streptomisien, die eerste antibiotiese middel teen tuberkulose, word deur navorsers by Rutgers-universiteit geïsoleer.
• 1951 – Britse magte beset die Suez-kanaalgebied in 'n snelle dagbreekinval. Presies drie jaar later word die Suez-kanaal-ooreenkoms geteken waarvolgens Britse magte oor die volgende 20 maande onttrek sou word.
• 1961 – 'n Algemene verkiesing in Suid-Afrika, waarin slegs wit kiesers kon stem, word deur die regerende Nasionale Party gewen.
• 1977 – Twee swart koerante (The World en The Weekend World) en 18 swart organisasies word deur die Suid-Afrikaanse regering verbied.
• 1986 – Die Mosambiekse presidensiële vliegtuig stort neer.
• 1987 – Die Dow Jones industriële indeks val met 22% op Swart Maandag, die grootste ineenstorting in die geskiedenis op een dag.
• 2014 – Pous Paulus VI word deur Pous Franciskus salig verklaar.

Geboortes

• 1922 – Elsa Joubert, Afrikaanse skrywer.
• 1932 – Robert Reed, akteur in o.m. The Brady Bunch († 1992).
• 1963 – Mark Behr, Suid-Afrikaanse skrywer († 2015).
• 1976 – Pro Legoete, Suid-Afrikaanse rugbyskeidsregter.
• 1984 – Presley Chweneyagae, Suid-Afrikaanse akteur.

Sterftes

• 1187 – Pous Urbanus III, die 172ste pous van die Rooms-Katolieke Kerk (* ±1120).
• 1944 – Deneys Reitz, Suid-Afrikaanse kabinetsminister, soldaat en skrywer (* 1882).
• 1945 – Richard Stuttaford, Suid-Afrikaanse kabinetsminister en sakeman (* 1870).
• 1973 – Maria Malan, Suid-Afrikaanse premiersvrou (*1905).
• 1981 – Dorothy Fischer, Suid-Afrika se eerste vroulike hartoorplantingspasiënt (* 1929).
• 1986 – Samora Machel, die president van Mosambiek en die leier van FRELIMO (* 1933).

Vakansies, vierings, en waarnemingsdae

• Grondwetdag in Niue (1974).
• Moeder Teresadag in Albanië.