Bene Israel

in Wikipedia, die vrye ensiklopedie
Jump to navigation Jump to search
Moenie verwar word met Beta Israel nie.
Bene Israel
Beni-israel-india-2.jpg
Bene Israel-familie by Mumbai aan die einde van die 19de of begin van die 20ste eeu.
Totale bevolking: onbekend
Belangrike bevolkings  in: Vlag van Indië Indië
Vlag van Israel Israel
Taal: Tradisioneel Marathi, die tale van Israel, veral Hebreeus; Engels, Gujarati, Malayalam, Hindi[1]
Geloofsoortuiging: Judaïsme
Verwante etniese groepe: Jode, Asjkenasiese Jode, Bergjode, Beta Israel, Boerejode, Mizrachi-Jode en Sefardiese JodeMarathi's

Die Bene Israel (Hebreeus: בני ישראל, letterlik: "Seuns van Israel"; Judeo-Marathi: बेने इस्राएल), in Indië voorheen bekend as die Sjaniwar Teli-kaste ("Saterdag-olie-perskaste") en later as die "Inheemse Joodse Kaste",[2] is 'n historiese gemeenskap van Jode in Indië. Volgens bewerings[3] bestaan dit uit afstammelinge van een van die betwiste verlore stamme en voorvaders wat hulle eeue gelede daar gevestig het.[4] In die 19de eeu, nadat die mense oor normatiewe (Asjkenasiese/Sefardiese) Judaïsme geleer is, het hulle geneig om van dorpe in die Konkan-gebied[5] na die nabygeleë stede, veral Mumbai,[3] te migreer, maar ook na Pune, Ahmedabad en Kolkata in Indië; en Karatsji in die hedendaagse Pakistan.[6] Baie het poste by die Britse koloniale gesag van die tydperk behaal.

Kaart van Joodse gemeenskappe in Indië voor hulle emigrasie na Israel
Onakkurate verteenwoordiging van beweerde blygebiede van die Joodse diaspora rondom 1490:
Europa:

   Asjkenasiese Jode

   Sefardiese Jode

   Italiaanse Jode (Italkim, Sefaraddim, Asjkenasim en ander groepe)

   Romaniote Jode

   Karaïete-Jode


Afrika:

   Berber-Jode

   Jode van Bilad el-Sudan (Wes-Afrika, Timboektoe)

   Beta Israel


Midde-Ooste/Kaukasus (gewoonlik saam met Mizrachi-Jode gegroepeer):

   Palestynse Jode

   Babiloniese/Irakse Jode

   Koerdiese Jode

   Jemense Jode

   Georgiese Jode

   Bergjode

   Persiese/Buchara-Jode


Indië en China (vir latere tydperke: Bagdadse Jode):

   Bene Israel

   Cochin-Jode

   Kaifeng-Jode

In die vroeë deel van die twintigste eeu het baie Bene Israel aktief geword in die nuwe rolprentbedryf, as aktrises en akteurs, produsente en direkteure. Nadat Indië sy onafhanklikheid in 1947 verkry het en Israel in 1948 gestig is, het die meeste Bene Israel na Israel, Kanada en ander Statebondlande en die Verenigde State geëmigreer. Voor hierdie migrasies het hulle die grootste deel van die Joodse bevolking op die Indiese subkontinent gevorm en hul moedertaal is Judeo-Marathi, 'n soort Marathi met leenwoorde uit Hebreeus en Aramees.

Verwysings[wysig | wysig bron]

  1. (en) Roland, Joan G. (2018). Jewish Communities of India: Identity in a Colonial Era. Routledge. ISBN 978-0-7658-0439-6. 
  2. (en) Fischel, Walter (1970). “Bombay in Jewish History in the Light of New Documents from the Indian Archives”. Proceedings of the American Academy for Jewish Research 38/39: 119–144.
  3. 3,0 3,1 (en) Weil, Shalva (2010). "Bombay". In Stillman, Norman A. Encyclopedia of Jews in the Islamic World. Leiden: Brill. ISBN 9789004176782. 
  4. (en) Weil, Shalva (2013). "Jews of India and Ten Lost Tribes". In Patai, Raphael; Itzhak, Haya Bar. Jewish Folklore and Traditions: A Multicultural Encyclopedia. ABC-CLIO. ISBN 978-0-7656-2025-5. 
  5. (en) Weil, Shalva (1981). The Jews from the Konkan: the Bene Israel Community of India. Tel-Aviv: Beth Hatefutsoth. 
  6. (en) Weil, Shalva (2008). "The Jews of Pakistan". In Erlich, M. Avrum. Encyclopedia of the Jewish Diaspora. Santa Barbara, USA: ABC CLIO. 

Eksterne skakels[wysig | wysig bron]