Bennington, Vermont

in Wikipedia, die vrye ensiklopedie
Bennington
Stad
Die gedenkteken ter herinnering aan die Slag van Bennington
Die gedenkteken ter herinnering aan die Slag van Bennington
Ligging van Bennington in Vermont, VSA
Ligging van Bennington in Vermont, VSA
Koördinate: 42°53′28″N 73°12′29″W / 42.89111°N 73.20806°W / 42.89111; -73.20806Koördinate: 42°53′28″N 73°12′29″W / 42.89111°N 73.20806°W / 42.89111; -73.20806
LandVlag van Verenigde State van Amerika Verenigde State
DeelstaatVermont
CountyBennington
Stigting1749
Oppervlak
 • Totaal110,1 km2 (42,5 vk. myl)
 • Land109,9 km2 (42,4 vk. myl)
 • Water0,2 km2 (0,1 vk. myl)
Hoogte
249 m (817 ft)
Bevolking
 • Totaal15 764
 • Digtheid144,03/km2 (372,45/vk. myl)
TydsoneUTC-05:00 (EST)
 • SomertydUTC-04:00 (EDT)
ZIP-kode
05201
Skakelkodes802
Webwerfbennington.com

Bennington is 'n dorp in en een van die twee shire towns (administratiewe setels) van die Bennington-distrik in die suidweste van die Amerikaanse deelstaat Vermont met 15 764 inwoners (2000).

Geskiedenis[wysig | wysig bron]

Bennington was die eerste dorp in die gebied van die huidige deelstaat Vermont, wat in die jaar 1749 deur die destydse goewerneur van New Hampshire, Benning Wentworth, amptelik gestig en na homself vernoem is.

Die dorp staan hoofsaaklik bekend vir die Slag van Bennington, wat tydens die Amerikaanse Rewolusionêre Oorlog plaasgevind het (en eintlik 'n paar myl verder wes in die staat New York geveg is). Op 6 Augustus 1777 het generaal John Stark se New Hampshire-burgermag met sowat 1 500 soldate 'n strydmag van 800 Duitse huursoldate, plaaslike Amerikaanse lojaliste, Kanadese en Indiane onder die bevel van die Duitse luitenant-kolonel Friedrich Baum verslaan. Alhoewel Duitse versterkings onder die bevel van luitenant-kolonel Heinrich von Breymann nog opgedaag het, is hulle aanval deur Seth Warner se Green Mountain Boys-burgermag uit Vermont afgeweer.

Daar is drie historiese gebiede in die dorp: Old Bennington, Downtown Bennington en North Bennington. Old Bennington is die oorspronklike nedersetting, wat in 1761 deur lede van die Kongregasionaliste-beweging uit Connecticut en Massachusetts gestig is, nadat hulle van hul moederkerk weggebreek het. Teen die begin van die 19de eeu het Downtown Bennington begin ontwikkel, en in die jaar 1854 het die distrik se bevolking 18 589 beloop.

Die gedenkteken van die Slag van Bennington, wat 'n obelisk met 'n hoogte van 306 voet bevat, is in 1891 ingewy en het intussen 'n gewilde toeristebestemming geword.

Bennington beskik oor natuurlike hulpbronne en waterkrag en het al vroeg 'n sentrum van die houtverwerking en ander nywerhede geword. Die dorp staan landwyd bekend vir sy pottebakkerskuns, yster en tekstiele. Bennington-Kollege, een van die belangrikste tersiêre onderwysinstellings in Vermont, is in 1932 gestig.

Geografie[wysig | wysig bron]

Volgens die Verenigde State se Sensusburo het Bennington 'n totale oppervlakte van 110 vierkante kilometer (42,5 vierkante myl), waarvan 109,9 vierkante kilometer land en 0,2 vierkante kilometer (0,1 vierkante myl) of 0,14 persent water.

Demografie[wysig | wysig bron]

Volgens die sensus van 2000 was daar 15 737 inwoners, 6 162 huishoudings en 3 863 gesinne in die dorp. Die bevolkingsdigtheid was 143,2 mense per vierkante kilometer (370,9 mense per vierkante myl). Van die bevolking was 96,96 persent Blankes, 0,63 persent Swartes, 0,25 persent Indiane, 0,95 persent Asiate, 0,02 persent Pasifiese Eilanders, 0,22 persent ander en 0,97 persent van gemengde afkoms.

Ekonomie[wysig | wysig bron]

Die belangrikste nywerhede van Bennington is vervoertoerusting, papier, plastiek, elektroniese komponente, tekstiele en pottebaksterware.

Besienswaardighede[wysig | wysig bron]

  • Die Bennington-museum bewaar die historiese en kulturele erfenis van Vermont en bekoor met 'n versameling van vroeë Americana, waaronder Amerikaanse meubels, skilderye en glasware; werktuie, poppe en ander voorwerpe. Spesiale versamelings behandel die militêre geskiedenis, die naïewe skilderkuns van Grandma Moses en die plaaslike pottebakkerskuns. Daarnaas vind ook wisselende uitstallings plaas.
  • Ander belangrike besienswaardighede sluit die eerste skoolhuis in Vermont, die Catamount-kroeg (die historiese vergaderplek van die Green Mountain Boys-burgermag gedurende die Amerikaanse Rewolusionêre Oorlog), die drukkery van William Lloyd Garrison ('n stryder teen die slawerny) en die Old First Church uit die jaar 1805 in.

Sien ook[wysig | wysig bron]

Eksterne skakels[wysig | wysig bron]

Flag of Vermont Deelstaat Vermont
Onderwerpe

Grondwet | Kultuur | Geografie | Regering | Geskiedenis | Ekonomie | Stede | Nedersettings in Vermont

Hoofstad

Montpelier

Streke

Champlainvallei | Groen Berge | Mount Mansfield | Northeast Kingdom

Distrikte

Addison | Bennington | Caledonia | Chittenden | Essex | Franklin | Grand Isle | Lamoille | Orange | Orleans | Rutland | Washington | Windham | Windsor

Stede

Barre | Burlington | Montpelier | Newport | Rutland | South Burlington | St. Albans | Vergennes | Winooski

Dorpe

Bennington | Calais | Stowe | Williston