Berg Arafat

in Wikipedia, die vrye ensiklopedie
Jump to navigation Jump to search
Pelgrims op Berg Arafat.
’n Man bid op die heuwel.

Berg Arafat (Arabies: جبل عرفات Jabal ‘Arafāt) is ’n granietheuwel op die Vlakte van Arafat, sowat 20 km suidoos van Mekka in Saoedi-Arabië.[1] Dit is sowat 70 m hoog en is ook bekend as die Heuwel van Genade (Jabal ar-Rahmah). Volgens die Islamitiese tradisie is dit die plek waar die profeet Mohammed gestaan en sy laaste toespraak gelewer het aan die mense wat hom aan die einde van sy lewe op die hadj vergesel het.

Hadj[wysig | wysig bron]

Op die 9de dag van Dhu'l Hidjdja, die laaste maand op die Islamitiese kalender, gaan pelgrims van Mina na Arafat vir die belangrikste deel van die hadj. Hulle bring die hele dag op die berg deur en bid saam. Die Arafat-rituele eindig met sonsondergang en pelgrims gaan van daar na Moezdalifa vir die verkorte aand- en naggebed en om te rus.

Die gebied om die heuwel is bekend as die Vlakte van Arafat. Die term "Berg Arafat" verwys soms na hierdie hele streek. Dit is ’n belangrike plek tydens die bedevaart, want ’n versuim om die middag van die 9de daar deur te bring, kan die hadj ongeldig maak.

Verwysings[wysig | wysig bron]

  1. خرائط Google”. خرائط Google.

Eksterne skakels[wysig | wysig bron]

Koördinate: 21°21′17.07″N 39°59′2.57″O / 21.3547417°N 39.9840472°O / 21.3547417; 39.9840472