Bespreking:Lys van Suid-Afrikaanse musikante

Page contents not supported in other languages.
in Wikipedia, die vrye ensiklopedie
  • Hierdie artikel val onder die wikiprojek Musikale kunstenaars.
  • Vir meer inligting oor hoe om artikels oor musikale kunstenaars te skryf of te verbeter, volg of bespreek die riglyne genoem op bg. skakel.
  • Vir alle bladsye wat tans deur hierdie projek gedek word, sien Kategorie:Wikiprojek Musikale kunstenaars.
  • Om 'n artikel tot hierdie projek te voeg, plaas {{Musikale kunstenaar-artikel}} heel bo-aan die besprekingsbladsy van die betrokke artikel.

Dit lyk nie vir my asof World wide message tribe Afrikaans is nie. Hulle naam het ook verander na "The Tribe". Een (waarskynlik) Afrikaanse lid, maar die musiek lyk vir my alles Engels. Sien http://www.thetribeuk.com/

Kategorie?[wysig bron]

Kan ons nie hierdie 'n kategorie maak nie?

Nee, nie eintlik nie. Die lys is nuttig omdat dit name kan insluit waarvoor daar nie artikels is nie. (Al die rooi skakels.) Ek glo dit is dus nuttig. --Alias 06:45, 17 Januarie 2006 (UTC)[antwoord]

Musikale kunstenaars?[wysig bron]

Ek wonder of die term Musikale kunstenaars goeie Afrikaans is. Soos wat dit hier staan is dit dubbelsinnig - musikale kunstenaars verwys na 'n kunstenaar wat musiektalent het en die bedoeling is tog seker dat ons in hierdie groep praat van musikante (maw mense wat die maak/skryf/uitvoering van musiek hulle loopbaan maak). Kom ek verduidelik: Ek is 'n musikale ingenieur, dws 'n ingenieur met musiektalent. Musiek is vir my dus 'n stokperdjie of belangstelling en nie my loopbaan nie. Soos in die opskrif gebruik is "musikale" 'n byvoeglike naamwoord wat kontrakteur (s nw) beskryf en nie 'n soortnaam nie. Is die korrekte benaming van hierdie groep dus nie liewer Suid-Afrikaanse musikante nie. Ons taalonnie het altyd gesê: 'n Elektriese kontrakteur is iemand wat jou skok as jy hom groet (ouch!!), want dit kan 'n verfkontrakteur of boukontrakteur wees met 'n elektriese lading gelaai is. --Arnwalt (kontak) 08:17, 26 Junie 2009 (UTC)[antwoord]

Jy mag reg hê. Die sjabloon {{Inligtingskas Musikale kunstenaar}} maak voorsiening vir beide uitvoerende en produksionele musikale kunstenaars. Hierdie lys lys egter net die musikante. As jy 'n skuif dus voorstel, sal ek dit ondersteun. Andersinds kan ons 'n aparte artikel vir die musikante maak en hier ook ander nie-musikante wat musiektalent het, lys. Groete — Adriaan90 (Bespreking • Bydraes) 08:28, 26 Junie 2009 (UTC)[antwoord]
Dus is die voorstel om na "Lys van Suid-Afrikaanse musikante" te skuif? Ek ondersteun. Trouens dink ek 'n lys van nie-musikante met musiektalent is heeltemal onensiklopedies. Dis een stappie verwyder van "Lys van akteurs wat van die kleur rooi hou". Anrie (kontak) 08:49, 26 Junie 2009 (UTC)[antwoord]

Piet Potlood[wysig bron]

Al wat ek oor Piet Potlood kon opspoor is "Die Kortdaatstukke van 'n Penkop Baasspioen uit die Tweede Vryheidsoorlog, ‘n ware verhaal deur Oswald Pirow." Ongelukkig kon ek geen inligting oor so 'n sanger of musikant kry nie. Ek het die naam vir eers van die lys verwyder totdat ons meer oor hom te wete kom. Groete. Anoniem

Eon Malan[wysig bron]

Help asseblief met inligting oor Eon Malan (wie is hy, diskografie, ensovoorts). Ek het sy naam vir eers van die lys verwyder totdat ons meer oor hom te wete kom. Groete. Anoniem

Besoek gerus sy webwerf om meer oor hom te lees by: www.johannusorgans.co.za
Dankie, Eon Malan weer bygesit. Groete. Anoniem
Weer verwyder. Net omdat hy 'n eie webwerf het beteken nie hy is 'n noemenswaardige Suid-Afrikaanse musikant nie. Anrie (kontak) 09:28, 3 Mei 2010 (UTC)[antwoord]
Ag nee wat Anrie, kyk eerder na die verwysings in die artikel wat ek vir hom geskep het. Groete. Anoniem
As dit deesdae geldige verwysings is, dan kan 99% van die Suid-Afrikaanse bevolking hulle eie artikel kry. Anrie (kontak) 09:37, 3 Mei 2010 (UTC)[antwoord]
Ek is nie nou in die bui hiervoor nie, skrap eerder die artikel. Groete. Anoniem

André White[wysig bron]

Kan iemand asb. help met inligting oor André White. Groete. Anoniem

Monica Maree[wysig bron]

Ek kon nie genoeg inligting opspoor vir 'n artikel oor Monica Maree nie. Kan iemand dalk help? Groete. Anoniem

Quintin Delport[wysig bron]

Ek het Quintin Delport (van The Tribe, vroeër bekend as die World Wide Message Tribe) van die lys verwyder omdat hy volgens my navorsing[1][2] 'n Brit en nie 'n Suid-Afrikaner is nie. Groete. Anoniem

Billygoat[wysig bron]

Al wat ek kon opspoor is dat hulle 'n Stellenbosse blues-orkeste is met Parri Meyer as hoofsanger. Ongelukkig nie genoeg vir 'n artikel of om noemenswaardigheid te bevestig nie. Help asb. om meer inligting en geldige bronne na te spoor. Groete. Anoniem

Sy naam is eintlik Petri Meyer - hyt ingenieurswese op Stellenbosch gestudeer - ongeveer 1993-1996 - Gr, Sarita