Gaan na inhoud

Birgit Nilsson

in Wikipedia, die vrye ensiklopedie
Birgit Nilsson
Birgit Nilsson in 1948.
Agtergrondinligting
GeboortenaamMärta Birgit Nilsson
Gebore17 Mei 1918
Svenstad, Swede
Sterf25 Desember 2005
Bjärlöv, Swede
Beroep(e)Operasopraan

Birgit Nilsson (17 Mei 1918 – 25 Desember 2005) was 'n gevierde dramatiese sopraan van Swede wat gespesialiseer het in opera- en simfoniewerke. Haar stem was bekend om die oorweldigende omvang, ryklike krag en die klokhelder duidelikheid van die boonste register.

Nilsson het uit 'n plattelandse agtergrond gekom en moes hard werk om aanvaarding in die musiekwêreld, maar haar indruk in baie rolle was so groot dat hulle begin bekend staan het as die "Nilsson repertorium". Sy het die operas van Richard Strauss gesing en gespesialiseer in Puccini se "turandot", maar dit was die musiek van Richard Wagner wat haar beroemd gemaak het. Op die kruin van haar loopbaan het Nilsson gehore verstom met die ongedwonge krag van haar stem, wat altyd kon uitstyg bo 'n orkes en met haar merkwaardige asembeheer, wat haar in staat gestel het om note geweldig lank aan te hou. Namate haar loopbaan ontwikkel het, het haar interpretasievermoë ook gegroei en so het sy 'n roerende kunstenares asook 'n vokale verskynsel geword. Onder haar kollegas het sy beroemd geraak om haar spitsvondige humorsin.

Birgit Nilsson tydens 'n operakonsert in Stockholm, Swede in Julie 1963.

Nalatenskap

[wysig | wysig bron]

Drie jaar ná Nilsson se dood, in Desember 2008, het die Birgit Nilsson-stigting aangekondig dat dit elke twee tot drie jaar 'n prys sal toeken aan 'n konsert- of operasanger, 'n klassieke of opera-dirigent, of 'n spesifieke produksie deur 'n operamaatskappy. Die prys word deur Nilsson se boedel gefinansier. Die stigting het gesê dat Nilsson die eerste wenner gekies het, wat vroeg in 2009 aangekondig sou word.

Op 20 Februarie 2009 is die Spaanse tenoor Plácido Domingo aangekondig as die eerste ontvanger van die prys, wat 'n kontanttoekenning van $1 000 000 meegebring het.[1] Die eerste prysuitdeling het op 13 Oktober 2009 in die Koninklike Sweedse Opera plaasgevind. Koning Carl XVI Gustaf van Swede het persoonlik die prys aan die aangewese wenner oorhandig. ’n Jurie is deur die stigting saamgestel om aanbevelings vir toekomstige pryse te maak.[2] Die tweede wenner van die Birgit Nilsson-prys was Riccardo Muti,[3] wat die prys in Stockholm oo 13 Oktober 2011 in ontvangs geneem het. Op 9 April 2014 is dit aangekondig dat die derde ontvanger van die prys die Weense Filharmoniese orkes sou wees.[4]

'n Pågatågen-trein is na Nilsson vernoem deur die spoorweg-operateur Skånetrafiken. Die trein, die Birgit Nilsson, was die eerste trein uit die nuwe X61-reeks wat die Malmö Sentrale Stasie in Desember 2009 verlaat het.[5]

Op 6 April 2011 het die Bank van Swede aangekondig dat Nilsson se portret vanaf Oktober 2016 aangebring sal word op die 500 kronor banknoot.[6][7]

Eerbewyse en pryse

[wysig | wysig bron]
  • 1954 Hovsångerska (Koninklike Hof-sanger), Stockholm, Swede[8]
  • 1958 Goue medalje, Teatro Liceo, Barcelona, Spanje
  • 1960 Swede: Koninklike medalje Litteris et Artibus
  • 1960 Erelid van die Koninklike Sweedse Akademie van Musiek, Stockholm
  • 1966 Sonning-prys, Denemarke[9][10]
  • 1967 Goue medalje vir die bevordering van die kuns van musiek (Sweeds: För tonkonstens främjande) van die Koninklike Sweedse Akademie van Musiek, Stockholm
  • 1968 Oostenrykse Kammersängerin in 1968
  • 1968 Erelid van die Weense Staatsopera, Wene, Oostenryk
  • 1970 Eredoktoraat van Merrimack College, Andover, Mass. VSA
  • 1970 Erelid van die Royal Academy of Music, Londen, Engeland
  • 1970 Beierse Kammersängerin, München, Duitsland
  • 1972 Denemarke: Koninklike medalje Ingenio et Arti
  • 1974 Swede: Kommandeur Eersteklas van die Orde van Vasa
  • 1975 Noorweë: Kommandeur Eersteklas van die Orde van Sint Olaf
  • 1981 Goue medalje van die Koninklike Sweedse Opera (Sweeds: Kungliga Operan), Stockholm
  • 1981 Swede: Illis Quorum goue medalje, 18de graad met ketting
  • 1982 Eredoktoraat van die Manhattan School of Music, New York Stad
  • 1982 Eredoktoraat van Michigan Staat-universiteit, East Lansing, VSA
  • 1982 Sweedse-Amerikaner van die jaar-toekenning, New York Stad
  • 1988 Duitsland: Kruis van verdienstelikheid Eersteklas van die Nedersaksiese orde van verdienstelikheid, Nedersakse
  • 1991 Frankryk: Kommandeur van die Orde van Kuns en Lettere
  • 1993 Royal Opera House Silwer medalje vir 25 jaar se diens as gaskunstenaar, Londen, Engeland
  • 1994 Toekenning van die Swede–Amerika-stigting (Sweeds: Sverige-Amerikastiftelsen), New York Stad
  • 1997 Eredoktoraat van die Sibelius Akademie, Helsinki, Finland
  • 1999 Erelid van die Weense Filharmoniese orkes, Wene, Oostenryk
  • 2012 Die tydskrif Gramophone se eregalery in 2012

Videografie

[wysig | wysig bron]
  • The Metropolitan Opera Centennial Gala, Deutsche Grammophon DVD, 00440-073-4538

Verwysings

[wysig | wysig bron]
  1. ↑ "Placido Domingo | Domingo Awarded $1 Million Prize". Contactmusic. 20 Februarie 2009. Besoek op 23 September 2011.
  2. ↑ Dave Itzkoff: "For Classical Music, a $1 Million Prize", The New York Times, 5 Desember 2008
  3. ↑ "Riccardo Muti wins Birgit Nilsson Prize". BBC News. 16 Maart 2011.
  4. ↑ "Vienna Orchestra to Receive $1 Million Birgit Nilsson Prize". The New York Times. 9 April 2014.
  5. ↑ Stendahl, Sandra; Andersson, Elisabeth (4 Desember 2009). "Häng med ombord på nya Pågatågen". Sydsvenskan (in Sweeds). Besoek op 28 Februarie 2023.
  6. ↑ "Sveriges Riksbank/Riksbanken – Sweden's new banknotes and coins". Riksbank.com. Geargiveer vanaf die oorspronklike op 27 September 2011. Besoek op 23 September 2011.
  7. ↑ Peter Vinthagen Simpson (6 April 2011). "Ingmar Bergman to adorn new Swedish banknotes". Besoek op 7 April 2011.
  8. ↑ Tensy anders aangedui, is die bron van hierdie afdeling "Honours and Awards". BirgitNilssonPrize.org. Geargiveer vanaf die oorspronklike op 3 April 2016. Besoek op 26 Januarie 2016.
  9. ↑ Leach, H. G. (1966). The American-Scandinavian Review. American-Scandinavian Foundation. p. 203. Besoek op 29 April 2018. The Leonie Sonning Prize for 1966 was recently awarded the Swedish singer BirgitNilsson. The amount of the Prize is 50,000 Danish kroner. The Leonie Sonning Prize was awarded for the first time in 1959, with Igor Stravinsky being the recipient. The 1965 winner was conductor Leonard Bernstein.
  10. ↑ Theatre in Denmark. Deense Sentrum van die I.T.I. 1966. p. 3. Besoek op 29 April 2018. This year's Leonie Sonning Music Prize was given to Birgit Nilsson, who visited The Royal Theatre on May 17th, 1966, for a guest performance in Fidelio. Birgit Nilsson honoured young Danish singers by donating her salary for this performance to be used as a scholarship for two young female singers.

Nog leesstof

[wysig | wysig bron]
  • Nilsson, Birgit, Mina minnesbilder, Stockholm: Bonnier, 1977; ISBN 91-0-042069-7
  • Nilsson, Birgit, My Memoirs in Pictures, vertaal uit die Sweeds deur Thomas Teal, Garden City: Doubleday, 1981; ISBN 0-385-14835-6
  • Nilsson, Birgit, La Nilsson, Stockholm: Fischer, 1995; ISBN 91-7054-756-4
  • La Nilsson: My Life in Opera by Birgit Nilsson, voorwoord deur Georg Solti, nawoord deur Peggy Tueller. Vertaal deur Doris Jung Popper, University Press of New England, 2007 ISBN 978-1-55553-670-1
  • Liese, Kirsten, Wagnerian Heroines. A Century of Great Isoldes and Brünnhildes, Engelse vertaling: Charles Scribner, Edition Karo Geargiveer 3 Julie 2020 op Wayback Machine, Berlyn, 2013

Eksterne skakels

[wysig | wysig bron]

Algemeen

Oudio

Televisieverskynings

Onderhoude en artikels

Ontsluit van "https://af.wikipedia.org/w/index.php?title=Birgit_Nilsson&oldid=2774414"